Oddvitar flokkanna þriggja. Friðjón Einarsson frá Samfylkingunni, Halldóra Fríða Þorvaldsdóttir úr Framsókn og Valgerður Björk Pálsdóttir úr Beinni leið.Vísir
Meirihlutaviðræður Framsóknarflokksins, Samfylkingarinnar og Beinnar leiðar í Reykjanesbæ eru formlega hafnar. Þetta kemur fram í tilkynningu frá oddvitum flokkanna.
Flokkarnir þrír mynduðu saman sex manna meirihluta á síðasta kjörtímabili og bættu þeir við sig manni í kosningunum í seinustu viku. Samfylkingin fékk þrjá fulltrúa, Framsókn einnig þrjá og Bein leið fékk einn.
Sjálfstæðisflokkurinn fékk þrjá fulltrúa í kosningunum og Umbót einn. Kjörsókn var afar lág í Reykjanesbæ, undir fimmtíu prósent.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
