Hörður Björgvin hóf leik á bekknum er CSKA mætti Rostov í lokaumferð úrvalsdeildarinnar í Rússlandi. Heimamenn í CSKA fóru mikinn í leiknum og voru komnir 4-0 yfir þegar Herði Björgvini var skipt inn á undir lok leiks.
Hálfgerð heiðursskipting þar sem um síðasta leik Harðar Björgvins var að ræða. Leiknum lauk með 4-0 sigri heimamanna og eftir leik kvaddi íslenski varnamaðurinn stuðningsfólk félagsins með víkingaklappinu.
Alvöru kveðjustund á VEB Arena í leikslok þegar víkingaklappið var tekið þegar Hörður Björgvin kvaddi stuðningsmenn CSKA Moskvu eftir síðasta leik tímabilsins. Fjögur ár í Rússlandi lokið pic.twitter.com/5fyxs5vIii
— Haukur V. Magnússon (@haukur80) May 21, 2022
CSKA Moskva endar tímabilið í 5. sæti, sex stigum á eftir Sochi í 2. sæti en 15 stigum á eftir Zenit St. Pétursborg í 1. sæti.
Óvíst er hvert Hörður Björgvin heldur en þessi 29 ára varnarmaður hefur spilað sem atvinnumaður á Ítalíu og Englandi til þessa.
