Innlent

Ás­dís gerir til­kall til bæjar­stjóra­stólsins

Árni Sæberg skrifar
Ásdís Kristjánsdóttir ætlar sér að verða bæjarstjóri Kópavogs.
Ásdís Kristjánsdóttir ætlar sér að verða bæjarstjóri Kópavogs. Vísir

Oddviti Sjálfstæðisflokksins í Kópavogi segir viðræður Sjálfstæðis- og Framsóknarmanna ganga vel og að afstaða Sjálfstæðismanna sé skýr; stærsti flokkurinn eigi að fá bæjarstjórastólinn.

Formlegar viðræður hófust milli Sjálfstæðisflokks og Framsóknarflokks í gær. Ásdís Kristjánsdóttir, oddviti Sjálfstæðisflokks, segir viðræður ganga vel og að von sé á að meirihluti verði myndaður strax í næstu viku.

„Við munum næstu daga fara yfir áherslur beggja flokka og vonumst til að klára málefnasamninginn á næstu dögum,“ segir Ásdís í samtali við Vísi.

Langstærsti flokkurinn gerir tilkall til bæjarstjórastólsins

Ásdís fer ekki leynt með það að hún ætli sér að verða næsti bæjarstjóri Kópavogs. „Við höfum auðvitað sagt það opinberlega að við, sem langstærsti flokkurinn, gerum tilkall til bæjarstjórastólsins. Sú afstaða hefur ekki breyst,“ segir Ásdís.

Orri Hlöðversson, oddviti Framsóknarmanna í Kópavogi, sagði í samtali við fréttastofu á dögunum að það hefði áhrif á viðræður að Ásdís hafi verið mjög skýr um að hún vilji bæjarstjórastólinn. 

Sjálfstæðisflokkurinn fékk fjóra bæjarstjórnarfulltrúa kjörna og Framsókn tvo. Ellefu menn skipa bæjarstjórn Kópavogs og myndu flokkarnir tveir því mynda minnsta mögulega meiri hluta.

Kópavogur Sjálfstæðisflokkurinn Framsóknarflokkurinn Sveitarstjórnarkosningar 2022
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið