Tónlist

Hvetja foreldra til að elska börnin sín skilyrðislaust

Sylvía Rut Sigfúsdóttir og Dóra Júlía Agnarsdóttir skrifa
Systur á blaðamannafundi í Tórínó rétt í þessu.
Systur á blaðamannafundi í Tórínó rétt í þessu. Vísir

Systurnar Elín, Beta og Sigga Eyþórsdætur stóðu sig með mikilli prýði á blaðamannafundinum eftir keppnina. Hvert atriði sem komst áfram fékk tvær spurningar og svöruðu stelpurnar af miklu öryggi og yfirvegun.

Jens Geerst var með fyrstu spurninguna fyrir systurnar og vinnur hjá OutTV sem er hinsegin fjölmiðill. Jens er trans og þakkaði þeim innilega fyrir að vekja athygli á mikilvægu málefni. Í kjölfarið spurði Jens hvort það væri ástæða á bak við það að þær vildu vekja athygli á málefnum trans fólks. 

Sigga svaraði og sagði ástæðuna meðal annars að hún sé sjálf foreldri trans barns. Þegar barnið hennar kom út sem trans segist hún í kjölfarið hafa áttað sig á fáfræði og fordómum hjá mörgum og sagði að þær vildu með þessum sýnileika og skilaboðum hvetja foreldra til að elska börnin sín skilyrðislaust og reyna að koma í veg fyrir fáfræði og fordóma.

Danskur fjölmiðlamaður spurði Systur út í lagið, sem hafði ekki verið verið ofarlega í veðbönkum, út í einstaka íslenska hljóðið og hvort þetta hefði komið þeim á óvart. Sigga svaraði að lög þurfi ekki alltaf að vera risastór. Ísland sjálft sé til dæmis lítið og þær hafi náð með sanni að vera samkvæmar sjálfum sér í þessu atriði. Skilaboð lagsins séu mikilvægasti fókusinn og Systur vilji veita fólki von. Fólki sem sé til dæmis ekki frjálst, eins og fólk í Úkraínu.

„Við ættum öll að standa saman og við megum ekki láta fjölmiðla normalísera stríðið.“

Systur drógu upp úr skálinni að þær verða í seinni hluta lokakvölds Eurovision á laugardag. 

Lagið Með hækkandi sól verður flutt aftur á Eurovision sviðinu á laugardag.Vísir/Sylvía Rut

Sylvía Rut Sigfúsdóttir og Dóra Júlía Agnarsdóttir eru fulltrúar fréttastofunnar á Eurovision í Tórínó á Ítalíu. Munu þær birta fréttir, viðtöl, hlaðvörp og auðvitað líka reglulega þætti af Júrógarðinum. 

Alla umfjöllun okkar um Eurovision keppnina má finna HÉR á Lífinu á Vísi. 

Eurovision Júrógarðurinn Málefni trans fólks Ástin og lífið Börn og uppeldi

Tengdar fréttir

Systur snúa aftur á úr­slita­kvöldinu

Framlag Íslands í Eurovision í flutningi Siggu, Betu og Elínar Eyþórsdætra komst áfram í fyrri undanúrslitum keppninnar í kvöld og tryggðu þær sér þátttökurétt á úrslitakvöldinu á laugardag.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.