Handbolti

Guðjón Valur og Elliði Snær hænufeti frá sæti í efstu deild

Hjörvar Ólafsson skrifar
Elliði Snær Viðarsson mun að öllum líkindum leika í efstu deild á næstu leiktíð. Vísir/Getty
Elliði Snær Viðarsson mun að öllum líkindum leika í efstu deild á næstu leiktíð. Vísir/Getty

Gummersbach sem leikur undir stjórn er einu stigi frá því að tryggja sér sæti í þýsku efstu deildinni í handbolta karla. 

Elliði Snær Viðarsson skoraði tvö mörk fyrir liðið þegar það vann sannfærandi 34-26 gegn Bietigheim í 33. umferð þýsku B-deildarinnar í dag. 

Gummersbach trónir á toppi deildarinnar með 54 stig og er með 14 stiga forskot á Nordhorn sem getur mest náð í þann stigafjölda það sem eftir lifir leiktíðar. 

Þar af leiðandi þarf Gummersbach að ná í eitt stig í síðustu fimm leikjum sínum í deildarkeppninni til þess að endurheimta sætið í deild þeirra bestu en liðið féll þaðan vorið 2019. 

Guðjón Valur tók svo við stjórnartaumunum hjá þessum sofandi risa í maí árið 2020. Hákon Daði Styrmisson er einnig á mála hjá Gummersbach en hann er fjarri góðu gamni þessa stundina vegna meiðsla.  

Tumi Steinn Rún­ars­son skoraði þrjú mörk fyr­ir Coburg í sigri liðsins á móti Ferndorf í deildinni í kvöld. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.