Umfjöllun og viðtal: Stjarnan - Breiðablik 1-2 | Blikakonur Lengjubikarmeistarar Sverrir Mar Smárason skrifar 1. apríl 2022 22:09 Ásta Eir Árnadóttir, Hildur Antonsdóttir og Telma Ívarsdóttir fagna sigri í leikslok. Vísir/Hulda Margrét Úrslitaleikur Lengjubikars kvenna í fótbolta fór fram í Garðabæ í kvöld. Heimastúlkur í Stjörnunni tóku þá á móti Breiðablik í leik sem var hin mesta skemmtun. Breiðablik stóð uppi sem Lengjubikarmeistari kvenna árið 2022 eftir 1-2 sigur. Leikurinn fór nokkuð fjörlega af stað og það var Stjarnan sem átti fyrsta færið. Jasmín Erla Ingadóttir fékk þá góða sendingu inn fyrir vörn Blika, keyrði inn í teiginn og vippaði boltanum á fjær stöngina. Þar mætti Gyða Kristín Gunnarsdóttir, tók niður boltann og reyndi skot en Telma Ívarsdóttir í marki Blika varði vel. Á 8. mínútu skoraði Breiðablik fyrsta mark leiksins. Helena Ósk, sóknarmaður Blika, tók þá hornspyrnu sem Stjörnustúlkur hreinsuðu frá og aftur til Helenu sem setti boltann aftur inn í teiginn. Boltinn hafði viðkomu í Clöru Sigurðardóttir, leikmanni Blika, áður en hann barst til Hildar Antonsdóttur fyrir opnu marki. Hildur skoraði auðveldlega og kom Blikum í 1-0. Einungis tíu mínútum síðar jafnaði Stjarnan. Betsy Doon Hassett sendi þá góða sendingu inn fyrir vörn Blika á Jasmín Erlu. Jasmín lék vel á Karítas Tómasdóttur og lagði boltann fram hjá Telmu í markinu. Staðan orðin 1-1 og aðeins 18 mínútur liðnar af leiknum. Það leið ekki langur tími áður en staðan var orðin 1-2 og Blikastúlkur komnar aftur yfir. Aftur skoruðu þær í kjölfar hornspyrnu. Helena Ósk sendi boltann inn í teiginn og Karítas Tómasdóttir vann fyrsta skallaboltann. Eftir vandræði hjá Stjörnustúlkum inni í eigin teig mætti Taylor Marie Ziemer og potaði boltanum yfir línuna. Staðan 1-2 fyrir Blikum í hálfleik. Síðari hálfleikur fór rólega af stað og var töluvert daufari en sá fyrri. Lítið var um ákjósanleg marktækifæri og liðunum gekk illa að sækja að marki andstæðingsins. Stjörnustúlkur gerðu þó atlögu að marki Blika undir lok leiksins en allt kom fyrir ekki. Leiknum lauk með 1-2 sigri Breiðabliks og Blikastúlkur því sigurvegarar Lengjubikars kvenna árið 2022. Lengjubikarmeistarar Breiðabliks 2022.Vísir/Hulda Margrét Af hverju vann Breiðablik? Blikastúlkur skoruðu úr einu færum sínum í kvöld. Í bæði skiptin nýttu þær sér klaufagang í vörn Stjörnunnar eftir hornspyrnur. Hvorugt liðið var afgerandi og það er í raun bara þetta sem skilur að. Hverjar voru bestar? Í fyrri hálfleik var Jasmín Erla Ingadóttir best. Hún var sífellt að ógna inn fyrir, koma sér í færi og að leggja upp fyrir samherja sína. Heilt yfir voru Anna María Baldursdóttir, Stjörnunni, og Hildur Antonsdóttir, Breiðablik, bestar. Þær stýrðu sínum liðum allan leikinn og lokuðu því sem þurfti að loka. Hvað hefði mátt betur fara? Það sem gefur auga leið er að Stjarnan hefði þurft meiri einbeitingu í föstum leikatriðum. Tvö alltof auðveld mörk fengin á sig gegn liði eins og Blikum boðar ekki gott. Ég reiknaði sömuleiðis með betra spili og fleiri færum frá Blikastúlkum en þær voru alls ekki eins sannfærandi í kvöld og þær hafa oft verið. Hvað gerist næst? Blikastúlkur vonandi fagna sigrinum vel í kvöld. Svo fara liðin væntanlega að einbeita sér að Bestu deildinni sem hefst 26. apríl. Ásmundur Arnarsson var léttur í leikslok.Vísir/Hulda Margrét Ási Arnars: Já honum má finnast það sem hann vill Breiðablik varð í kvöld Lengjubikarmeistari kvenna í knattspyrnu árið 2022 eftir góðan sigur á Stjörnunni í Garðarbæ, 2-1. lokum. Ásmundur Arnarsson, þjálfari Breiðabliks, var virkilega ánægður með leik síns liðs í kvöld og með sigurinn í mótinu eftir jafnan leik. „Þetta var hörku leikur, þetta var stál í stál. Þetta var jafnt og sem betur fer féll þetta okkar megin. Mér fannst við kannski vera heldur sterkari og sköpuðum aðeins meira. Það var mjótt á mununum og hörku leikur,“ sagði Ási. Kristján Guðmundsson, þjálfari Stjörnunnar, talaði sömuleiðis um að sitt lið hafi skapað fleiri færi og spilað betri leik. Þegar blaðamaður tjáði Ása það hafði hann þetta að segja. „Já honum má finnast það sem hann vill. En svona sé ég þetta.“ Ási segir að þrátt fyrir að Blika liðið hafi aðeins skorað í kjölfar hornspyrna og lítið skapað sér annars þá sé liðið ekkert endilega að leggja upp með því og sömuleiðis að lítið hafi komið sér á óvart í leik Stjörnunnar. „Nei [kom lítið á óvart], þær voru kannski svipaðar og við sáum þær um síðustu helgi. Þær eru með öflugan hóp, eru vel skipulagðar og eru með klóka leikmenn. Þær eru alltaf hættulegar þegar þær vinna boltann og geta breikað á okkur og það er bara svipað og við áttum von á,“ sagði Ási og hélt svo áfram. „Ef við tökum þennan Lengjubikar svona heilt yfir þá hafa mikið af mörkum komið eftir horn eða í framhaldi af hornum svo við höfum verið öflug þar. Það er dýrmætt og það nýttist okkur í dag. Á meðan að við skorum fleiri mörk en andstæðingurinn þá er það allavega ekki áhyggjuatriði. Þetta er bara undirbúningsmót, það er mikið eftir af undirbúningi fram að móti og þetta gefur bara sjálfstraust í framhaldið,“ sagði Ási. Miklar breytingar hafa orðið á hópi kvennaliðs Breiðabliks í vetur og telur Ási það mögulegt að meira verði bætt í áður en Besta deildin hefst 26. apríl. „Það eru miklar breytingar hjá okkur og búið að vera pínu rót á liðinu. Þetta mót gefur okkur það að við höfum haldið þokkalegum stöðugleika og unnið alla leikina. Það mikill karakter í hópnum sem eru góð fyrirheit fyrir sumarið. Það gæti alveg verið að við bætum við. Það vantar aðeins inn í hópinn okkar eins og staðan er. Það eru nokkrar á meiðslalistanum , Anna Petryk er ekki komin með leikheimild og jafnvel eitthvað fleira svo það á bara eftir að koma í ljós,“ sagði Ási að lokum. Besta deild kvenna Stjarnan Breiðablik Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Nýtt merki Þróttar komið á búninginn Íslenski boltinn Enginn Viktor Gísli en Þorsteinn Leó í hópnum Sport Svona var blaðamannafundur Snorra Steins Handbolti „Með því glórulausasta sem ég hef séð“ Körfubolti Fékk ellefu leikja bann fyrir geislann úr heiðursstúkunni Fótbolti Í beinni: Grindavík - Tindastóll | Sópur á lofti í Smáranum? Körfubolti Gunnhildur Yrsa og Erin eiga von á barni Íslenski boltinn Fékk tvö gul spjöld en slapp samt við rautt spjald Fótbolti Uppgjör og viðtöl: Valur - Njarðvík 67-82 | Íslandsmeistararnir í sumarfrí Körfubolti Fleiri fréttir Í beinni: Stjarnan - Valur | Pressa á báðum liðum Íslandsmeistararnir sóttu bakvörð til Bandaríkjanna Gunnhildur Yrsa og Erin eiga von á barni Nýtt merki Þróttar komið á búninginn Besta-spáin 2024: Brakar í heila prófessorsins Besta-spáin 2024: Nálgast núllpunktinn á ný Besta-spáin 2024: Svífa áfram á bleika skýinu Besta-spáin 2024: Ekkert Murr Murr „Er eiginlega ennþá í sjokki“ Þróttarar kjósa um nýtt merki Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Biðin eftir fyrsta leiknum á grasi lengist Óskar Örn jafnaði met Gunnleifs Pressa á Hallgrími: „Áttu að þurfa að segja þetta við leikmenn?“ Gummi Ben: Hann fær boltann í lærið Jóhann Ingi Vill vera jafn iðinn við kolann og Olga Færseth Sjáðu sigurmark Víkinga og mark Framara sem var dæmt af „Djöfull hlýtur að vera óþolandi að spila á móti þessum gaur“ „Allir sem eru búnir að sjá þetta aftur segja mér hvernig þetta hefði átt að vera“ Uppgjörið og viðtal: Fram - Víkingur 0-1 | Íslandsmeistararnir áfram með fullt hús Sjá meira
Leikurinn fór nokkuð fjörlega af stað og það var Stjarnan sem átti fyrsta færið. Jasmín Erla Ingadóttir fékk þá góða sendingu inn fyrir vörn Blika, keyrði inn í teiginn og vippaði boltanum á fjær stöngina. Þar mætti Gyða Kristín Gunnarsdóttir, tók niður boltann og reyndi skot en Telma Ívarsdóttir í marki Blika varði vel. Á 8. mínútu skoraði Breiðablik fyrsta mark leiksins. Helena Ósk, sóknarmaður Blika, tók þá hornspyrnu sem Stjörnustúlkur hreinsuðu frá og aftur til Helenu sem setti boltann aftur inn í teiginn. Boltinn hafði viðkomu í Clöru Sigurðardóttir, leikmanni Blika, áður en hann barst til Hildar Antonsdóttur fyrir opnu marki. Hildur skoraði auðveldlega og kom Blikum í 1-0. Einungis tíu mínútum síðar jafnaði Stjarnan. Betsy Doon Hassett sendi þá góða sendingu inn fyrir vörn Blika á Jasmín Erlu. Jasmín lék vel á Karítas Tómasdóttur og lagði boltann fram hjá Telmu í markinu. Staðan orðin 1-1 og aðeins 18 mínútur liðnar af leiknum. Það leið ekki langur tími áður en staðan var orðin 1-2 og Blikastúlkur komnar aftur yfir. Aftur skoruðu þær í kjölfar hornspyrnu. Helena Ósk sendi boltann inn í teiginn og Karítas Tómasdóttir vann fyrsta skallaboltann. Eftir vandræði hjá Stjörnustúlkum inni í eigin teig mætti Taylor Marie Ziemer og potaði boltanum yfir línuna. Staðan 1-2 fyrir Blikum í hálfleik. Síðari hálfleikur fór rólega af stað og var töluvert daufari en sá fyrri. Lítið var um ákjósanleg marktækifæri og liðunum gekk illa að sækja að marki andstæðingsins. Stjörnustúlkur gerðu þó atlögu að marki Blika undir lok leiksins en allt kom fyrir ekki. Leiknum lauk með 1-2 sigri Breiðabliks og Blikastúlkur því sigurvegarar Lengjubikars kvenna árið 2022. Lengjubikarmeistarar Breiðabliks 2022.Vísir/Hulda Margrét Af hverju vann Breiðablik? Blikastúlkur skoruðu úr einu færum sínum í kvöld. Í bæði skiptin nýttu þær sér klaufagang í vörn Stjörnunnar eftir hornspyrnur. Hvorugt liðið var afgerandi og það er í raun bara þetta sem skilur að. Hverjar voru bestar? Í fyrri hálfleik var Jasmín Erla Ingadóttir best. Hún var sífellt að ógna inn fyrir, koma sér í færi og að leggja upp fyrir samherja sína. Heilt yfir voru Anna María Baldursdóttir, Stjörnunni, og Hildur Antonsdóttir, Breiðablik, bestar. Þær stýrðu sínum liðum allan leikinn og lokuðu því sem þurfti að loka. Hvað hefði mátt betur fara? Það sem gefur auga leið er að Stjarnan hefði þurft meiri einbeitingu í föstum leikatriðum. Tvö alltof auðveld mörk fengin á sig gegn liði eins og Blikum boðar ekki gott. Ég reiknaði sömuleiðis með betra spili og fleiri færum frá Blikastúlkum en þær voru alls ekki eins sannfærandi í kvöld og þær hafa oft verið. Hvað gerist næst? Blikastúlkur vonandi fagna sigrinum vel í kvöld. Svo fara liðin væntanlega að einbeita sér að Bestu deildinni sem hefst 26. apríl. Ásmundur Arnarsson var léttur í leikslok.Vísir/Hulda Margrét Ási Arnars: Já honum má finnast það sem hann vill Breiðablik varð í kvöld Lengjubikarmeistari kvenna í knattspyrnu árið 2022 eftir góðan sigur á Stjörnunni í Garðarbæ, 2-1. lokum. Ásmundur Arnarsson, þjálfari Breiðabliks, var virkilega ánægður með leik síns liðs í kvöld og með sigurinn í mótinu eftir jafnan leik. „Þetta var hörku leikur, þetta var stál í stál. Þetta var jafnt og sem betur fer féll þetta okkar megin. Mér fannst við kannski vera heldur sterkari og sköpuðum aðeins meira. Það var mjótt á mununum og hörku leikur,“ sagði Ási. Kristján Guðmundsson, þjálfari Stjörnunnar, talaði sömuleiðis um að sitt lið hafi skapað fleiri færi og spilað betri leik. Þegar blaðamaður tjáði Ása það hafði hann þetta að segja. „Já honum má finnast það sem hann vill. En svona sé ég þetta.“ Ási segir að þrátt fyrir að Blika liðið hafi aðeins skorað í kjölfar hornspyrna og lítið skapað sér annars þá sé liðið ekkert endilega að leggja upp með því og sömuleiðis að lítið hafi komið sér á óvart í leik Stjörnunnar. „Nei [kom lítið á óvart], þær voru kannski svipaðar og við sáum þær um síðustu helgi. Þær eru með öflugan hóp, eru vel skipulagðar og eru með klóka leikmenn. Þær eru alltaf hættulegar þegar þær vinna boltann og geta breikað á okkur og það er bara svipað og við áttum von á,“ sagði Ási og hélt svo áfram. „Ef við tökum þennan Lengjubikar svona heilt yfir þá hafa mikið af mörkum komið eftir horn eða í framhaldi af hornum svo við höfum verið öflug þar. Það er dýrmætt og það nýttist okkur í dag. Á meðan að við skorum fleiri mörk en andstæðingurinn þá er það allavega ekki áhyggjuatriði. Þetta er bara undirbúningsmót, það er mikið eftir af undirbúningi fram að móti og þetta gefur bara sjálfstraust í framhaldið,“ sagði Ási. Miklar breytingar hafa orðið á hópi kvennaliðs Breiðabliks í vetur og telur Ási það mögulegt að meira verði bætt í áður en Besta deildin hefst 26. apríl. „Það eru miklar breytingar hjá okkur og búið að vera pínu rót á liðinu. Þetta mót gefur okkur það að við höfum haldið þokkalegum stöðugleika og unnið alla leikina. Það mikill karakter í hópnum sem eru góð fyrirheit fyrir sumarið. Það gæti alveg verið að við bætum við. Það vantar aðeins inn í hópinn okkar eins og staðan er. Það eru nokkrar á meiðslalistanum , Anna Petryk er ekki komin með leikheimild og jafnvel eitthvað fleira svo það á bara eftir að koma í ljós,“ sagði Ási að lokum.
Besta deild kvenna Stjarnan Breiðablik Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Nýtt merki Þróttar komið á búninginn Íslenski boltinn Enginn Viktor Gísli en Þorsteinn Leó í hópnum Sport Svona var blaðamannafundur Snorra Steins Handbolti „Með því glórulausasta sem ég hef séð“ Körfubolti Fékk ellefu leikja bann fyrir geislann úr heiðursstúkunni Fótbolti Í beinni: Grindavík - Tindastóll | Sópur á lofti í Smáranum? Körfubolti Gunnhildur Yrsa og Erin eiga von á barni Íslenski boltinn Fékk tvö gul spjöld en slapp samt við rautt spjald Fótbolti Uppgjör og viðtöl: Valur - Njarðvík 67-82 | Íslandsmeistararnir í sumarfrí Körfubolti Fleiri fréttir Í beinni: Stjarnan - Valur | Pressa á báðum liðum Íslandsmeistararnir sóttu bakvörð til Bandaríkjanna Gunnhildur Yrsa og Erin eiga von á barni Nýtt merki Þróttar komið á búninginn Besta-spáin 2024: Brakar í heila prófessorsins Besta-spáin 2024: Nálgast núllpunktinn á ný Besta-spáin 2024: Svífa áfram á bleika skýinu Besta-spáin 2024: Ekkert Murr Murr „Er eiginlega ennþá í sjokki“ Þróttarar kjósa um nýtt merki Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Biðin eftir fyrsta leiknum á grasi lengist Óskar Örn jafnaði met Gunnleifs Pressa á Hallgrími: „Áttu að þurfa að segja þetta við leikmenn?“ Gummi Ben: Hann fær boltann í lærið Jóhann Ingi Vill vera jafn iðinn við kolann og Olga Færseth Sjáðu sigurmark Víkinga og mark Framara sem var dæmt af „Djöfull hlýtur að vera óþolandi að spila á móti þessum gaur“ „Allir sem eru búnir að sjá þetta aftur segja mér hvernig þetta hefði átt að vera“ Uppgjörið og viðtal: Fram - Víkingur 0-1 | Íslandsmeistararnir áfram með fullt hús Sjá meira