Innlent

Stærri skjálfti í Bárðar­bungu vegna kviku­söfnunar

Sunna Karen Sigurþórsdóttir og Atli Ísleifsson skrifa
Á vef Veðurstofunnar segir að skjálftinn hafi orðið um sjö kílómetrun norðnorðaustur af Bárðarbungu. Myndin er úr safni.
Á vef Veðurstofunnar segir að skjálftinn hafi orðið um sjö kílómetrun norðnorðaustur af Bárðarbungu. Myndin er úr safni. Vísir/Vilhelm

Skjálfti 4,1 að stærð varð í Bárðarbunguöskjunni klukkan 7:02 í morgun. Nokkrir eftirskjálftar hafa fylgt í kjölfarið. Náttúruvársérfræðingur segir skjálftann í morgun, og fyrri skjálftar á svæðinu á síðustu mánuðum, skýrast af kvikusöfnun. Engin merki eru um gosóróa.

Kristín Elísa Guðmundsdóttir, náttúruvárfræðingur hjá Veðurstofunni, segir að það hafi ekki margir skjálftar mælst eftir þann stóra í morgun. „Ekki nema þrír og sá stærsti var 2,1 að stærð.“

Hún segir að frá því að eldgosinu lauk í Holuhrauni árið 2015, sem hafi komið úr Bárðarbungukerfinu, þá komi stöku sinnum skjálftar af þessari stærðargráðu í Bárðarbungu.

„Það var einn stærri skjálfti sem var 22. febrúar. Hann var 4,7 að stærð þannig að við erum að fá skjálfta af svipaðri stærðargráðu og þetta alltaf af og til.“

Eruð þið að sjá einhverja kvikusöfnun?

„Það er búið að vera síðan fljótlega eftir að eldgosinu lauk, að þá er búið að vera safnast saman kvika í Bárðarbungukerfinu og þetta er líklegast bara hluti af þeirri atburðarás,“ segir Kristín Elísa. Hún segir engin merki vera um gosóróa á svæðinu.

Bárðarbunga Eldgos og jarðhræringar Þingeyjarsveit

Mest lesið


Fleiri fréttir

Sjá meira


×

Mest lesið