Karlmaður var fluttur á Sjúkrahúsið á Akureyri á tíunda tímanum í morgun eftir stærðarinnar grjót féll á hann í grjótnámu skammt frá Akureyri. Hann er sagður vera töluvert slasaður.
„Það er sprengt í grjótnámunni þar sem er klettastál og svo fer maður á gröfu og er að byrja að vinna í grjótinu þegar það fellur mjög stórt stykki úr stálinu, kannski á við lítinn jeppling, á húsið á gröfunni. Það fellur eiginlega saman við þetta og hann klemmist inn í því,“ segir Rolf Tryggvason, varðstjóri hjá Slökkviliðinu á Akureyri, í samtali við Vísi. RÚV greindi áður frá slysinu.
Maðurinn var í kjölfarið klipptur úr gröfuhúsinu og fluttur á slysadeild. Þar var hann sendur í aðgerð vegna beinbrots og innvortis áverka. Ekki er vitað um líðan mannsins að svo stöddu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
