Myndaveisla frá Söngvakeppninni á laugardag

Sylvía Rut Sigfúsdóttir skrifar 14. mars 2022 13:31

Ísland valdi sitt framlag til Eurovision á laugardag. Samsett/Hulda Margrét

Eins og fór ekki framhjá neinum þá voru úrslit Söngvakeppninnar á laugardag og Íslendingar völdu framlag landsins til Eurovision í maí. Elín, Sigga og Beta Eyþórsdættur stóðu uppi sem sigurvegarar með lagið Með hækkandi sól.

Með hækkandi sól er framlag Íslands til Eurovision í ár. Vísir/Hulda Margrét Óladóttir

Kvikmyndaverið í Gufunesi var alveg fullt af fólki og var ekki laust sæti í húsinu. Gríðarlega mikil stemning var á staðnum og setti það skemmtilegan svip á keppnina að keppendurnir voru í miðju rýminu allan tímann.

Birgitta Haukdal opnaði keppnina og ljómaði eins og sólin á sviðinu.Vísir/Hulda Margrét Óladóttir

Systkinin Eyþór, Elín, Beta og Sigga stóðu sig ótrúlega vel og náðu að vinna sig inn í hjörtu þjóðarinnar og dómnefndar kvöldsins. Vísir/Hulda Margrét Óladóttir

Reykjavíkurdætur voru efstar í veðbönkunum fyrir helgi en þær voru með ótrúlega vel heppnað og kröftugt atriði sem var fagnað gífurlega mikið í salnum. Vísir/Hulda Margrét Óladóttir

Einlægni Stefáns Óla skein í gegn í flutningi hans á laginu Ljósið. Sonur hans stal samt senunni með krúttlegum dansi. Vísir/Hulda Margrét Óladóttir

Daði Freyr, Ragnheiður Gröndal og Sóley voru fulltrúar Íslands í alþjóðlegu dómnefndinni í keppninni í ár. Vísir/Hulda Margrét Óladóttir

Dagur B. Eggertsson borgarstjóri og Lilja Alfreðsdóttir menningarmálaráðherra voru með Eurovision sérfræðinginn Gísla Martein á milli sín.Vísir/Hulda Margrét Óladóttir

Jón Jónsson mætti auðvitað með gítarinn.Vísir/Hulda Margrét Óladóttir

Tusse flutti lagið sitt Voices en söng til Úkraínu í textanum í þetta skiptið.Vísir/Hulda Margrét Óladóttir

Systkinin Már og Ísold flutti lagið sitt af mikilli innlifun.Vísir/Hulda Margrét Óladóttir

Katla Njálsdóttir er með ótrúlega magnaða rödd og það verður spennandi að fylgjast með því sem hún gerir næst. Katla er á leið í leiklist í Listaháskólanum í haust en söngurinn hefur náð að heilla hana líka.Vísir/Hulda Margrét Óladóttir

Daði Freyr flutti lagið Ten Years og frumflutti einnig nýja tónlist.Vísir/Hulda Margrét Óladóttir

Guðni Th. forseti Íslands skemmti sér vel á keppninni.Vísir/Hulda Margrét Óladóttir

Fleiri myndir frá þessu kvöldi má sjá í myndaalbúminu hér fyrir neðan. Allar myndirnar tók Hulda Margrét Óladóttir ljósmyndari okkar.

Samkvæmislífið Eurovision

Tengdar fréttir

Héldu sjálfar með Reykjavíkurdætrum

Eyþórsdætur unnu afgerandi sigur í söngvakeppni sjónvarpsins í gær. Það kom þeim sjálfum ekki síst á óvart en þær eins og flestir höfðu gert ráð fyrir sigri Reykjavíkurdætra.

13. mars 2022 20:54

Engin bilun á símkerfum sem hafði áhrif á úrslitin

Úrslit Söngvakeppni sjónvarpsins í gærkvöldi komu mörgum á óvart en þær Eyþórsdætur lögðu Reykjavíkurdætur að velli í lokaeinvígi kvöldsins. Margir vildu kenna bilun í símkerfi um að atkvæði hafi ekki skilað sér til Reykjavíkurdætra en forsvarsmenn keppninnar vísa því á bug.

13. mars 2022 13:26

Reykjavíkurdætur þakklátar þrátt fyrir ósigur

Það voru þær Sigga, Beta og Elín sem sigruðu í Söngvakeppni sjónvarpsins með laginu Með hækkandi sól í gærkvöldi. Þær systur höfðu betur eftir einvígi við Reykjavíkurdætur en þær síðarnefndu þóttu sigurstranglegastar að mati veðbanka. Reykjavíkurdætur eru þrátt fyrir það þakklátar.

13. mars 2022 11:27

Afar blendnar tilfinningar netverja með niðurstöðuna

Óhætt er að segja að spennan hafi verið rafmögnuð þegar úrslitin í Söngvakeppninni voru kynnt í kvöld. Eins og gengur voru margir ánægðir en aðrir í áfalli yfir niðurstöðunni.

12. mars 2022 23:09

Úrslitin í Söngvakeppninni: Með hækkandi sól framlag Íslands í Tórínó

Sigga, Beta og Elín sigruðu í Söngvakeppni sjónvarpsins fyrr í kvöld með laginu Með hækkandi sól. Þær systur unnu einvígi við Reykjavíkurdætur en þær síðarnefndu þóttu sigurstranglegastar að mati veðbanka.

12. mars 2022 22:15

Mest lesið

Fleiri fréttir

Tengdar fréttir

Mest lesið

Fleiri fréttir

Mest lesið

Tarot dagsins