Þurfum ekki að vera föst í hlekkjum fasteignalána og endalausum veðurviðvörunum Sylvía Rut Sigfúsdóttir skrifar 6. mars 2022 13:31 Frá tökum á þáttunum Hvar er best að búa? Lóa Pind „Það var náttúrlega ekki alveg einfalt að vera sjónvarpsþáttaframleiðandi í miðjum heimsfaraldri,“ segir Lóa Pind, sem fer í kvöld aftur af stað með þætti sína Hvar er best að búa? „Ég var svo stálheppin að ná smá glugga á milli annarrar og þriðju bylgju til að taka upp samfélagstilraun - þar sem ég fékk fjórar fjölskyldur til að gerast vegan í fjórar vikur. Við komumst öll í gegnum þær tökur án þess að smitast. Sú þáttaröð - Kjötætur óskast! - fór í loftið fyrir ári. Svo þegar mér sýndist að Kófinu væri aðeins að linna þá ákvað ég að fara af stað í að gera þriðju seríu af Hvar er best að búa? Fannst þó skynsamlegast að halda mig innan Evrópu í þessari seríu enda var staðan ennþá ótrygg þegar við lögðum af stað í tökur í haust,“ segir Lóa í samtali við Lífið. „Það gekk glimrandi vel að taka upp og faraldurinn hafði satt að segja minni áhrif en ég bjóst við. Ég var náttúrulega skíthrædd um að tökurnar færu á hvolf af því að ég eða tökumaðurinn eða fjölskyldurnar myndu smitast - en það var hins vegar eldgos á Kanaríeyjum sem setti stærsta strikið í reikninginn! En þótt við höfum komist í gegnum öll ferðalögin án þess að smitast og án teljandi vandræða vegna Covid, þá hafði faraldurinn heilmikil áhrif. Til dæmis var planið að fara til Grænlands síðasta sumar en það var bara útilokað að komast þangað. Grænland var nánast lokað land og mjög takmarkað framboð af flugsætum. Ég beitti öllum brögðum sem mér duttu í hug til að komast yfir flugmiða og sat auk þess og endurhlóð vefsíður flugfélaganna í sífellu til að krækja mér í sæti - en það tókst ekki fyrr en í september. Og þá fyrir einskæra heppni, það duttu inn tvö sæti sem ég var nógu fljót að stökkva á. Mesta Covid vesenið var hins vegar að það var ekki hægt að stóla á auglýstar flugferðir. Á einhverjum tímapunkti reiknaði ég út að ég hefði þurft að breyta og endurbóka um það bil 14 flugleggi fyrir þessa þáttaröð því það var sífellt verið að fella niður flug.“ Frá tökum á þáttunum Hvar er best að búa?Lóa Pind Lóa segir að nýja þáttaröðin, sem hefst á Stöð 2 í kvöld, sé nærandi fantasía fyrir áhorfendur. „Það sem vakir fyrir mér er að sýna fram á að við getum lifað alls kyns tilveru. Við þurfum ekki öll að sitja í fastri 100 prósent vinnu, í hlekkjum fasteignalána í gulum og rauðum viðvörunum,“ útskýrir Lóa. „Mig langar til að þættirnir séu innblástur fyrir fólk sem dreymir um annars konar líf og að áhorfendur geti sett sig í spor þeirra sem ég heimsæki, geti mátað sig við tilveru þeirra. Þess vegna legg ég mikið upp úr því að fólkið sem ég heimsæki - sé fólk eins og þú og ég, ekki með bólgna bankareikninga, heldur fólk sem þarf að hafa fyrir því og sýna útsjónarsemi við að finna leiðir til að framfleyta sér í hinni nýju tilveru. Fólk og fyrirtæki hafa til dæmis áttað sig á því núna í heimsfaraldrinum að fjarvinna getur skilað heilmiklum afköstum. Og það eru nokkur heimili sem ég heimsæki í þessari þáttaröð sem framfleyta sér á fjarvinnu frá Íslandi.“ Lóa heimsótti fjölbreyttan hóp við gerð þáttanna. „Þetta var allt dásamlegt fólk og eiga það sameiginlegt að vera fullt af atorku og frumkvæði. Ég heimsótti til dæmis tvö heimili á Kanarí, hjón sem búa í helli og reka þar íslenska útvarpsstöð og fréttasíðu og annað heimili sem framfleytir sér með ráðgjöf til íslenskra sprotafyrirtækja. Þá heimsótti ég hjón sem fyrir algera tilviljun enduðu í Nuuk á Grænlandi, einstæða móður sem býr ofurkrúttlegu miðaldaþorpi í Frakklandi, fjögurra manna fjölskyldu sem elskar Ítalíu og býr í Róm þar sem þau hafa upplifað tímana tvenna, verið bæði fátæk og vel sett. En ég byrja þáttaröðina í Portúgal hjá lítilli fjölskyldu sem keypti sér jörð með húsarúst á portúgölsku fjalli og byggði sér smáhýsi þar á grunni gömlu svínastíunnar.“ Frá tökum á þáttunum Hvar er best að búa? Lóa Pind Það var ýmislegt sem kom Lóu á óvart við gerð þáttanna. „Í fyrsta lagi vissi ég ekkert um Grænland nema það litla sem berst hingað í formi ljósmynda RAX og fleiri. Mér fannst magnað að koma til Grænlands, átta mig á að þar er bara nútímalegt samfélag í Nuuk og hnarreist þjóð sem er stolt af sínum uppruna. Tala nú ekki um stórbrotna fegurðina umhverfis Nuuk. Hitt kom mér líka á óvart hvað mér fannst Portúgal heillandi. Ég er sjálf mikill Spánaraðdáandi og hef ekki komið til Portúgal síðan 1987. En ég eiginlega kolféll fyrir suðurhluta Portúgal - gullfallegt svæði og fallegir bæir.“ Lóa segist sjálf vera búin að finna sér stað sem hún gæti hugsað sér að búa á. „Hver veit nema það verði bráðum að veruleika.“ Ívar Kristján Ívarsson tók upp alla þáttaröðina með Lóu, framleiðslufyrirtækið Obbosí klippti efnið og Friðjón Jónsson sá um að hljóðblanda þáttaröðina. „Ef fólk dreymir um að rífa sig upp úr rútínunni - að horfa á þáttinn á sunnudögum og láta svo vaða. Þátturinn byrjar kl. 19:10 á Stöð 2,“ segir Lóa spennt. Hún er strax byrjuð að plana næstu ævintýri en vill þó ekki gefa neitt upp á þessum tímapunkti. „Það er alltaf alls konar á prjónunum hjá mér, hvað af því verður að veruleika, á eftir að koma í ljós.“ Ferðalög Hvar er best að búa? Íslendingar erlendis Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Friðrik Þór og Guðrún selja 225 milljón króna parhús í Hlíðunum „Stolt af því að hafa ekki gefist upp á sjálfri mér“ Enn ástfangnari að sjá maka sinn í foreldrahlutverkinu „Klárari, sætari og skemmtilegri með aldrinum“ Mömmupasta að hætti Lindu Ben Tökur á Disneymynd, óttalaus rotta eða eru allir vinir í Vesturbænum? Skvísur landsins skáluðu í miðborginni Vildi frekar hafa David Hasselhoff uppá vegg en Jón Ólafs „Pabbi hélt alltaf að þú værir kunta, takk fyrir að sanna það“ Gengu um rústir ratsjárstöðvar og klifu fáfarnasta fjall Hornstranda Kaupir fjórða húsið við sömu götu Tælenskar salatvefjur í anda Cheesecake Factory Íslenskur Hollywood-leikari selur íbúð í Seljahverfinu Hætta með Þarf alltaf að vera grín? af persónulegum ástæðum Íbúð í Vesturbænum með mikinn karakter Hrósar eiginkonu Bruce Willis fyrir umönnun leikarans Kristján Einar leitar sér aðstoðar Yngsti Íslendingurinn frá upphafi sem safnar skákstigum Nældi sér í einn umdeildan Er hægt að komast yfir framhjáhald? Cardi B sýknuð af kröfu um líkamsárás á öryggisvörð Svona færðu fullnægingu án handa Huggulegustu hommar landsins kaupa heillandi hæð Súrsætir matcha-bitar úr smiðju danska sjarmatröllsins Sjá meira
„Ég var svo stálheppin að ná smá glugga á milli annarrar og þriðju bylgju til að taka upp samfélagstilraun - þar sem ég fékk fjórar fjölskyldur til að gerast vegan í fjórar vikur. Við komumst öll í gegnum þær tökur án þess að smitast. Sú þáttaröð - Kjötætur óskast! - fór í loftið fyrir ári. Svo þegar mér sýndist að Kófinu væri aðeins að linna þá ákvað ég að fara af stað í að gera þriðju seríu af Hvar er best að búa? Fannst þó skynsamlegast að halda mig innan Evrópu í þessari seríu enda var staðan ennþá ótrygg þegar við lögðum af stað í tökur í haust,“ segir Lóa í samtali við Lífið. „Það gekk glimrandi vel að taka upp og faraldurinn hafði satt að segja minni áhrif en ég bjóst við. Ég var náttúrulega skíthrædd um að tökurnar færu á hvolf af því að ég eða tökumaðurinn eða fjölskyldurnar myndu smitast - en það var hins vegar eldgos á Kanaríeyjum sem setti stærsta strikið í reikninginn! En þótt við höfum komist í gegnum öll ferðalögin án þess að smitast og án teljandi vandræða vegna Covid, þá hafði faraldurinn heilmikil áhrif. Til dæmis var planið að fara til Grænlands síðasta sumar en það var bara útilokað að komast þangað. Grænland var nánast lokað land og mjög takmarkað framboð af flugsætum. Ég beitti öllum brögðum sem mér duttu í hug til að komast yfir flugmiða og sat auk þess og endurhlóð vefsíður flugfélaganna í sífellu til að krækja mér í sæti - en það tókst ekki fyrr en í september. Og þá fyrir einskæra heppni, það duttu inn tvö sæti sem ég var nógu fljót að stökkva á. Mesta Covid vesenið var hins vegar að það var ekki hægt að stóla á auglýstar flugferðir. Á einhverjum tímapunkti reiknaði ég út að ég hefði þurft að breyta og endurbóka um það bil 14 flugleggi fyrir þessa þáttaröð því það var sífellt verið að fella niður flug.“ Frá tökum á þáttunum Hvar er best að búa?Lóa Pind Lóa segir að nýja þáttaröðin, sem hefst á Stöð 2 í kvöld, sé nærandi fantasía fyrir áhorfendur. „Það sem vakir fyrir mér er að sýna fram á að við getum lifað alls kyns tilveru. Við þurfum ekki öll að sitja í fastri 100 prósent vinnu, í hlekkjum fasteignalána í gulum og rauðum viðvörunum,“ útskýrir Lóa. „Mig langar til að þættirnir séu innblástur fyrir fólk sem dreymir um annars konar líf og að áhorfendur geti sett sig í spor þeirra sem ég heimsæki, geti mátað sig við tilveru þeirra. Þess vegna legg ég mikið upp úr því að fólkið sem ég heimsæki - sé fólk eins og þú og ég, ekki með bólgna bankareikninga, heldur fólk sem þarf að hafa fyrir því og sýna útsjónarsemi við að finna leiðir til að framfleyta sér í hinni nýju tilveru. Fólk og fyrirtæki hafa til dæmis áttað sig á því núna í heimsfaraldrinum að fjarvinna getur skilað heilmiklum afköstum. Og það eru nokkur heimili sem ég heimsæki í þessari þáttaröð sem framfleyta sér á fjarvinnu frá Íslandi.“ Lóa heimsótti fjölbreyttan hóp við gerð þáttanna. „Þetta var allt dásamlegt fólk og eiga það sameiginlegt að vera fullt af atorku og frumkvæði. Ég heimsótti til dæmis tvö heimili á Kanarí, hjón sem búa í helli og reka þar íslenska útvarpsstöð og fréttasíðu og annað heimili sem framfleytir sér með ráðgjöf til íslenskra sprotafyrirtækja. Þá heimsótti ég hjón sem fyrir algera tilviljun enduðu í Nuuk á Grænlandi, einstæða móður sem býr ofurkrúttlegu miðaldaþorpi í Frakklandi, fjögurra manna fjölskyldu sem elskar Ítalíu og býr í Róm þar sem þau hafa upplifað tímana tvenna, verið bæði fátæk og vel sett. En ég byrja þáttaröðina í Portúgal hjá lítilli fjölskyldu sem keypti sér jörð með húsarúst á portúgölsku fjalli og byggði sér smáhýsi þar á grunni gömlu svínastíunnar.“ Frá tökum á þáttunum Hvar er best að búa? Lóa Pind Það var ýmislegt sem kom Lóu á óvart við gerð þáttanna. „Í fyrsta lagi vissi ég ekkert um Grænland nema það litla sem berst hingað í formi ljósmynda RAX og fleiri. Mér fannst magnað að koma til Grænlands, átta mig á að þar er bara nútímalegt samfélag í Nuuk og hnarreist þjóð sem er stolt af sínum uppruna. Tala nú ekki um stórbrotna fegurðina umhverfis Nuuk. Hitt kom mér líka á óvart hvað mér fannst Portúgal heillandi. Ég er sjálf mikill Spánaraðdáandi og hef ekki komið til Portúgal síðan 1987. En ég eiginlega kolféll fyrir suðurhluta Portúgal - gullfallegt svæði og fallegir bæir.“ Lóa segist sjálf vera búin að finna sér stað sem hún gæti hugsað sér að búa á. „Hver veit nema það verði bráðum að veruleika.“ Ívar Kristján Ívarsson tók upp alla þáttaröðina með Lóu, framleiðslufyrirtækið Obbosí klippti efnið og Friðjón Jónsson sá um að hljóðblanda þáttaröðina. „Ef fólk dreymir um að rífa sig upp úr rútínunni - að horfa á þáttinn á sunnudögum og láta svo vaða. Þátturinn byrjar kl. 19:10 á Stöð 2,“ segir Lóa spennt. Hún er strax byrjuð að plana næstu ævintýri en vill þó ekki gefa neitt upp á þessum tímapunkti. „Það er alltaf alls konar á prjónunum hjá mér, hvað af því verður að veruleika, á eftir að koma í ljós.“
Ferðalög Hvar er best að búa? Íslendingar erlendis Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Friðrik Þór og Guðrún selja 225 milljón króna parhús í Hlíðunum „Stolt af því að hafa ekki gefist upp á sjálfri mér“ Enn ástfangnari að sjá maka sinn í foreldrahlutverkinu „Klárari, sætari og skemmtilegri með aldrinum“ Mömmupasta að hætti Lindu Ben Tökur á Disneymynd, óttalaus rotta eða eru allir vinir í Vesturbænum? Skvísur landsins skáluðu í miðborginni Vildi frekar hafa David Hasselhoff uppá vegg en Jón Ólafs „Pabbi hélt alltaf að þú værir kunta, takk fyrir að sanna það“ Gengu um rústir ratsjárstöðvar og klifu fáfarnasta fjall Hornstranda Kaupir fjórða húsið við sömu götu Tælenskar salatvefjur í anda Cheesecake Factory Íslenskur Hollywood-leikari selur íbúð í Seljahverfinu Hætta með Þarf alltaf að vera grín? af persónulegum ástæðum Íbúð í Vesturbænum með mikinn karakter Hrósar eiginkonu Bruce Willis fyrir umönnun leikarans Kristján Einar leitar sér aðstoðar Yngsti Íslendingurinn frá upphafi sem safnar skákstigum Nældi sér í einn umdeildan Er hægt að komast yfir framhjáhald? Cardi B sýknuð af kröfu um líkamsárás á öryggisvörð Svona færðu fullnægingu án handa Huggulegustu hommar landsins kaupa heillandi hæð Súrsætir matcha-bitar úr smiðju danska sjarmatröllsins Sjá meira