Handbolti

Stórleikir í undanúrslitum bikarsins

Sindri Sverrisson skrifar
Akureyringar hafa bikarmeistaratitil að verja og mæta besta liði landsins í vetur, Fram, í undanúrslitum.
Akureyringar hafa bikarmeistaratitil að verja og mæta besta liði landsins í vetur, Fram, í undanúrslitum. vísir/Hulda Margrét

Það verða sannkallaðir stórleikir á dagskrá í undanúrslitum Coca Cola-bikars kvenna og karla í handbolta í mars en dregið var í dag.

Í undanúrslitum kvenna mæta ríkjandi Íslands- og bikarmeistarar KA/Þórs liði Fram sem er á toppi Olís-deildarinnar. ÍBV og Valur mætast í hinum undanúrslitaleiknum og ljóst að þar má einnig búast við hörkuleik.

Undanúrslit kvenna

Fram – KA/Þór

ÍBV – Valur

Enn á reyndar eftir að útkljá hvert verður fjórða liðið í undanúrslitum karla því fyrst þarf að spila tvo leiki. Vonast er til þess að Hörður og FH mætist um helgina, og sigurliðið mætir svo Þór Akureyri.

Líklegast verður að telja að FH, efsta lið Olís-deildarinnar, komist áfram úr þessum leikjum við lið úr næstefstu deild og þá bíður liðsins stórleikur gegn Val í undanúrslitum. Selfoss og KA mætast einnig.

Undanúrslit karla

Hörður/FH eða Þór – Valur

Selfoss – KA

Undanúrslit kvenna fara fram 9. mars, undanúrslit karla degi síðar, og úrslitaleikirnir verða svo laugardaginn 12. mars.




Fleiri fréttir

Sjá meira


×