Innlent

Bjargaði bróður sínum sem lenti í snjóflóði með snarræði

Samúel Karl Ólason skrifar
Snjóhengja féll niður hlíð Hamarsins, þar sem börn voru að leik.
Snjóhengja féll niður hlíð Hamarsins, þar sem börn voru að leik. Lögreglan á Suðurlandi

Tíu ára drengur grófst undir snjóflóði í Hamrinum við Hveragerði í dag. Snjóhengja féll niður hlíðina þar sem börn voru að leik og eldri bróðir drengsins er sagður hafa sýnt mikið snarræði.

Í tilkynningu frá Lögreglunni á Suðurlandi segir að snjóflóðið hafi falli rétt fyrir klukkan tvö í dag. Tíu ára drengur hafi grafist undir því en fjórtán ára bróðir hans hafi sýnt snarræði og hárrétt viðbrögð. Hann hafi fundið bróður sinn, grafið frá andliti hans og hringt í Neyðarlínuna.

Þá segir að Hjálparsveit Skáta í Hveragerði hafi verið kölluð til og meðlimir hennar hafi bjargað drengnum og komið honum í sjúkrabíl.

Foreldrar drengsins segja líðan hans vera eftir atvikum góða.

„Lögregla og Slysavarnarfélagið Landsbjörg vill beina þeim tilmælum til fólks að vera ekki á ferð við Hamarinn í Hveragerði eða við hlíðar hans. Veðuraðstæður hafa skapað fjölda snjóhengja sem hætta er á að geti fallið,“ segir í tilkynningunni.

Hveragerði Lögreglumál Slysavarnir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið