Atvinnulíf

Svefnstjórnun á vinnustöðum orðin að veruleika

Rakel Sveinsdóttir skrifar
Gera má ráð fyrir að svefnstjórnun sé fyrirbæri sem við munum heyra meira af næstu árin. En taki tíma að þróast. Svefnstjórnun vinnustaða er þó orðin að veruleika og ljóst að fyrirtæki eru farin að þreifa fyrir sér mismunandi aðferðum. Jafnvel að fólk hafi aðstöðu til að leggja sig á daginn í vinnunni.
Gera má ráð fyrir að svefnstjórnun sé fyrirbæri sem við munum heyra meira af næstu árin. En taki tíma að þróast. Svefnstjórnun vinnustaða er þó orðin að veruleika og ljóst að fyrirtæki eru farin að þreifa fyrir sér mismunandi aðferðum. Jafnvel að fólk hafi aðstöðu til að leggja sig á daginn í vinnunni. Vísir/Getty

Svefnstjórnun er orðin að veruleika þar sem sífellt fleiri fyrirtæki þreifa nú fyrir sér með mismunandi leiðum, hvernig hægt er að stuðla að því að starfsfólk sofi meira.

Atvinnulífið hefur áður sagt frá því að vísindamenn hvetji stjórnendur til að skoða innleiðingu vinnustaða á svefnstjórnun. 

Enda margsannað að góður svefn getur skipt sköpum.

Það er því ekki ólíklegt að svefnstjórnun sé fyrirbæri sem við munum heyra meira um á næstu árum. 

En taki nokkurn tíma að þróast.

Í nýlegri umfjöllun BBC Worklife koma fram nokkur dæmi um mismunandi leiðir í svefnstjórnun og þá helst eftirfarandi þrjár:

8 – 8 – 8

Þessi aðferð gengur út á að fólk þrískipti sólahringnum: 

Vinni í átta klukkustundir, sofi í átta klukkustundir en nýti átta klukkustundir í annað.

Til þess að þessi stefna gangi upp, þarf að tryggja að vinnudagarnir séu ekki lengri en átta klukkustundir.

Sem fyrir sum fyrirtæki telst nokkuð stór breyting.

Í viðtali við BBC Worklife segir stofnandi og forstjóri bandarísks tæknifyrirtækis til dæmis, að í tæknigeiranum hafi það lengi tíðkast að fólk vinnur langa vinnudaga. Og státi sig jafnvel af því að sofa lítið.

Á vinnustöðum þar sem langir vinnudagar eru hluti af fyrirtækjamenningunni, getur 8-8-8 svefnstjórnunin því talist nokkuð viðamikil breyting.

Að leggja sig í vinnunni

Að geta tekið stuttan lúr í vinnunni er dæmi um svefnstjórnun. Google og Cisco eru dæmi um fyrirtæki sem lengi hafa boðið upp á aðstöðu fyrir starfsmenn sem vilja leggja sig stutta stund. 

Í umfjöllun BBC Worklife er líka sérstaklega sagt frá fyrirtækinu Zappos sem er með hægindarstóla sem aðstöðu fyrir starfsfólk sem vill leggja sig í 20 mínútur.

Þá eru ýmiss evrópsk fyrirtæki farin að horfa aftur til síesta-hefðarinnar. Þar sem fólk leggur sig eftir hádegi á daginn. Síestan er enn þekkt víða á Ítalíu og á Spáni. En þar taka opnunartímar fyrirtækja þá mið af því að fólk geti lagt sig eftir hádegi, en mæti aftur til vinnu síðdegis og vinnu fram á kvöld. 

Fer svefninn í fyrsta sæti?

Í kjölfar Covid er orðið ljóst að æ fleiri vinnustaðir leggja meiri áherslu en áður á góða líðan starfsfólks.

Bæði líkamlega og andlega.

Þá hafa mörg fyrirtæki lengi lagt áherslu á hreyfingu og góða næringu, boðið upp á styrki til að stunda hreyfingu, aðstöðu eða hvatt til hennar með öðrum hætti. Matur í mötuneytum er líka allt annar en áður var.

Fræðsla um mat og hreyfingu, hópefli og fleira, er oft hluti af aðgerðum vinnustaða til að efla heilsu starfsfólks.

Nú hefur svefninn bæst við og meðal þeirra sjónarmiða sem fram koma í fyrrgreindri umfjöllun er að þegar kemur að heilsu starfsfólks, ætti svefninn að vera sú áhersla sem vinnustaðir ættu að horfa mest á. 

Umfjöllun BBC Worklife má lesa hér.


Tengdar fréttir

Ekki hrifinn af „jafnvægi heimilis og vinnu“ hugtakinu

Það hljómar ekkert sérstaklega vel að heyra að eiganda eins stærsta fyrirtækis í heimi, Jeff Bezos, segja að hann sé ekki hrifinn af hugtakinu „jafnvægi heimilis og vinnu.“ En hvað á hann við?

Vinnan og áhrifin af því að sofa of lítið

Sumir trúa því að þeir þurfi minni svefn en ráðlagt er. Að það að sofa sjö til níu klukkustundir hverja nótt sé hreinlega óþarfi. Sex tímar er alveg nóg segja margir. Sumir jafnvel minna. Síðan tölum við um A og B týpur og alls konar skýringar til að rökstyðja hvers vegna við sofum minna en ráðlagt er.

Jafnræði heima fyrir en ekki vitlaust að setja sér reglur og mörk

Við tölum oft um jafnvægi heimilis og vinnu, veltum fyrir okkur hvort vinnustaðir teljist fjölskylduvænir, hvort jafnræði ríki á milli kvenna og karla í uppeldis- og heimilisverkum og mikilvægi styttingu vinnuvikunnar. En hvað segja ungu foreldrarnir sjálfir sem stunda fulla vinnu, samhliða því að ala upp ung börn, byggja upp heimili, láta sig umhverfismálin varða og lifa á tímum samfélagsmiðla?

Það vilja allir vera „Svalir“

Líney Árnadóttir, sérfræðingur hjá VIRK segir stjórnendur þurfa að þekkja einkenni streitu og vita hvernig streita þróast. Eitt verkfærið sem vinnustaðir geta notað er hinn svo kallaði Streitustigi. Á þessum stiga getur fólk mátað sína líðan miðað við eftirfarandi stig: Svalur – Volgur – Logandi – Bráðnaður – Brunninn.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.