Körfubolti

Lög­mál leiksins: Hver í NBA-deildinni í dag er líkastur Scotti­e Pippen?

Runólfur Trausti Þórhallsson skrifar
Michael Jordan og Scottie Pippen á sínum tíma er þeir léku með Chicago Bulls.
Michael Jordan og Scottie Pippen á sínum tíma er þeir léku með Chicago Bulls. Getty Images

Lögmál leiksins er á sínum stað klukkan 21.35 á Stöð 2 Sport 2. Þar verður farið yfir allt það helsta sem hefur gerst í NBA-deildinni í körfubolta undanfarna daga og þá verður nýr liður á dagskrá.

„Ég ætla að byrja nýjan lið. Ég elska nýja liði, elska að fá smá útrás fyrir sköpunargleðina“ sagði Kjartan Atli Kjartansson, stjórnandi þáttarins og glotti við tönn.

„90´s spurningin – og þið fenguð ekki að vita þetta fyrir fram,“ bætti Kjartan Atli við áður en myndefni af Scottie Pippen birtist á skjánum. Spurningin sem fylgdi var svo hljóðandi:

„Hver í NBA-deildinni í dag er líkastur Scottie Pippen að ykkar mati, hver gerir það sem Scottie Pippen gerði?“

„Er rétt svar við þessari spurningu,“ spurði Sigurður Orri Kristjánsson í kjölfarið en Kjartan Atli neitaði.

Svör þeirra Sigurðar Orra, Harðar Unnsteinssonar og Tómas Steindórssonar má sjá í spilaranum hér að neðan. Þátturinn í heild sinni er svo á dagskrá Stöð 2 Sport 2 í kvöld klukkan 21.35.

Klippa: Lögmál leiksins: Hver í NBA-deildinni í dag er líkastur Scottie Pippen?

Lögmál leiksins er vikulegur þáttur um NBA-deildina sem er sýndur á mánudögum á Stöð 2 Sport 2. NBA-deildin er hluti af Sport Erlent sem kostar kr. 3.990 á mánuði. Smelltu hér til að kaupa áskrift.

Körfubolti NBA Lögmál leiksins

Mest lesið


Fleiri fréttir

Sjá meira


×

Mest lesið