Innlent

Heimilar veiðar á 1.021 dýri

Hólmfríður Gísladóttir skrifar
Veiðitímabilið hefst 1. ágúst.
Veiðitímabilið hefst 1. ágúst. Vísir/Vilhelm

Umhverfis-, orku- og loftslagsráðherra hefur ákveðið að heimila veiðar á 1.021 hreindýri; 546 kúm og 475 törfum. Um er að ræða 199 færri dýr en á síðasta tímabili en ástæðan er fyrst og fremst óvissa um talningu vegna veðurskilyrða og tilfærslu dýra milli svæða á talningartímum.

Frá þessu er greint á vef Stjórnarráðsins.

Þar segir að veiðitími tarfa sé frá 1. ágúst til 15. september en veiðitími kúa frá 1. ágúst til 20. september. Umhverfisstofnun getur hins vegar heimilað veiðar á törfum frá 1. júlí.

„Fyrstu tvær vikur veiðitímabilsins er veiðimönnum gert að forðast í lengstu lög að fella mylkar kýr svo draga megi eftir megni úr áhrifum veiðanna á kálfa. Þess í stað eru veiðimenn eindregið hvattir til að veiða eingöngu geldar kýr. Er í þessu sambandi bent á hlutverk og skyldur leiðsögumanna við að aðstoða og leiðbeina veiðimönnum við val á bráð,“ segir á Stjórnarráðsvefnum.

Þar segir jafnframt að veturgamlir tarfar séu alfriðaðir og óheimilt sé að veiða kálfa.

Umhverfisstofnun auglýsir og sér um sölu veiðiheimilda.

Dýr Dýraheilbrigði Skotveiði
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið