Caruso varð fyrir meiðslunum eftir fólskulegt brot Grayson Allen í leik Bulls gegn Milwaukee Bucks á föstudagskvöld. Caruso var þá á leið að körfunni og Allen bókstaflega togaði hann niður úr loftinu.

Leikmaðurinn lenti illa á hægri höndinni. Nú er komið í ljós að úlnliðurinn er brotinn og næst a dagskrá er skurðaðgerð til þess að laga höndina. Þess má geta að Caruso er rétthentur og gætu meiðsli sem þessi hamlað honum í framtíðinni. Talið er að hann verði frá keppni í að minnsta kosti sex til átta vikur.

Caruso er einn besti varnarmaðurinn liðsins og hefur verið lykilmaður í Chicago liðinu sem hefur komið á óvart í NBA deildinni í vetur. Hér að neðan má sjá brotið: