Óli Stef kom íslenskri stelpu á Mallorca til bjargar Kolbeinn Tumi Daðason skrifar 21. janúar 2022 14:03 Ólafur Stefánsson býr sig undir að taka vítakast í leik með Magdeburg í mars árið 2002. Þá var hann 28 ára gamall og af mörgum talinn einn besti handboltamaður heims ef ekki sá besti. Getty Images/Oliver Weiken Ólafur Stefánsson, fjórfaldur íþróttamaður ársins og handboltakempa, kom ókunnugri íslenskri menntaskólastelpu til aðstoðar á Mallorca sumarið 2002. Talið var að stelpunni hefði verið byrlað ólyfjan í útskriftarferð. Ásgeir Jónsson, forstöðumaður grunnnáms hjá viðskiptadeild Háskólans í Reykjavík og fyrrverandi handboltamaður, segir frá þessu á Twitter í dag. Ásgeir var í umræddri útskriftarferð þegar þeir rákust á Ólaf Stefánsson, þá á hátindi ferilsins. Eftir stórskemmtilegt kvöld í félagsskap Ólafs varð útlitið svart en það var þá sem handboltakempan lét til sín taka, utan vallar. Þrammandi partí Frásögn Ásgeirs hefur vakið mikla athygli. Hann segir í stuttu samtali við Vísi þykjast vita að Ólafur hafi engan áhuga á að fara í einhvern hetjubúning. En hann sé bara bestur. Það sé bara þannig. Smá saga af Óla Stef og hvernig hann bjargaði vinkonu minni um árið sem hafði verið byrlað. Þráður.— Ásgeir Jónsson (@sonurjons) January 21, 2022 „Ég var staddur ásamt fríðum hópi í útskriftarferð á Mallorca 2002. Það var þrammandi partí í tvær vikur og ungt fólk aldrei upplifað annað eins frelsi,“ segir Ásgeir. „Þarna var Óli Stef þegar besti handboltamaður heims. Hann hafði farið á kostum með Magdeburg, sem vann Meistaradeildina þetta ár þar sem hann var yfirburðarmaður og markahæstur í úrslitum. Líka markahæstur og í úrvalsliði Evrópumótsins sama ár.“ Ísland hafði hafnað í fjórða sæti á Evrópumótinu í Svíþjóð í janúar og Ólafur svo farið á kostum með Magdeburg með fyrrnefndum árangri. Nei Íslendingar! Hefð hafi verið fyrir því að þýsku liðin færu í vikuferð í sólina að loknu löngu og ströngu tímabili. Með Ólafi voru meðal annars hornamaðurinn og þýski landsliðsmaðurinn Stefan Kretzschmar og fleiri kempur. Að sletta vel úr klaufunum. Ólafur Stefánsson er þekktur fyrir að pæla mikið í heimspeki og hefur auk þess vakið athygli fyrir gjörninga sína undanfarin ár.Vísir/Vilhelm „Við sátum á skemmtistað hópurinn og mikið partí í gangi þegar það er gripið um axlirnar á mér og vini mínum. „Nei Íslendingar“. Það var Óli. Á þessum tímapunkti var þetta svipað fyrir tvítugan handboltakappa að hitta Messi. Sem sagt fagnaðarfundir, a.m.k. fyrir annan okkar.“ Þau hafi öll skemmt sér saman fram eftir kvöldi. Mikil gleði þar til alvarlegt atvik átti sér stað. „Æskuvinkonu minni var byrlað ólyfjan af einhverju skítseiði og ástandið eftir því. Hringt á sjúkrabíl og ég fór með henni. Óli áttaði sig á því að við yrðum í miklum vanda þar sem hvorugt okkar talaði spænsku. Óli hafði lært spænsku sjálfur í nokkra mánuði á undan, eins og maður gerir bara? og var farinn að tala fínustu spænsku. Hann bauðst til að koma með okkur.“ Sem reyndist eins gott. Ólafur hafði rétt fyrir sér. Kristallar persónuna sem Óli er „Ekki nokkur maður talaði ensku á spítalanum og við hefðum verið í algjöru basli án hans. Óli tók öll samtölin, hjálpaði með alla pappíra og borgaði þann kostnað sem féll til. Á meðan verið var að huga að vinkonu minni sátum við biðstofunni og spjölluðum um heima og geima. Á svipuðum nótum og nýlegu podcasti. Óli talaði um mikilvægi þess að upplifa sjálfur, fara sínar leiðir, trú og dreyma. Flest sem hafði og hefur mótað hans ferðalag og gerir enn.“ Eftir um þrjá tíma hafi vinkona hans verið komin á fætur. Henni hafi ekki verið trúað þar sem kókaín hafi fundist í blóði hennar. Sjaldan sé prófað fyrir lyfjum sem notuð séu við byrlun. Ásgeir telur að kókaíni hafi verið hent í blönduna til að minnka líkurnar á að þolanda yrði trúað. Að neðan má sjá nærmynd af Ólafi úr Íslandi í dag árið 2010. „Hversu oft ætli byrlun hafi verið afskrifuð með þessum hætti? En allir komust heilir heim og sem betur fer fór þetta allt vel,“ segir Ásgeir. Hann staldrar við framtak Ólafs þetta kvöld á Mallorca. „Eins og ég nefndi í upphafi var Óli sennilega frægasti handboltamaður heims þarna. Flestir hefðu bara horft á sjúkrabílinn keyra í burtu og haldið kvöldi sínu áfram. Fyrir mér kristallar þetta persónuna sem Óli er. Takk Óli.“ Ólafur er einn af sérfræðingum EM-stofunnar á RÚV þessa dagana á meðan karlalandsliðið keppir í Búdapest. Innkoma hans hefur vakið verðskuldaða athygli. Ólafur gaf út bókina Gleymna óskin árið 2019 og tók lagið af því tilefni. Íslendingar erlendis Handbolti Mest lesið Ekki með mönnum á hennar aldri því „þeir eru allir látnir“ Lífið Potter-stjarna harmar hvernig fór með Rowling Bíó og sjónvarp Minningar um líf sem er að hverfa Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Óstundvísi Steina sögð kosta tugi milljóna dollara Lífið „Kveiktum næstum í öllu sumarbústaðalandinu“ Lífið Sagan á bak við djarft listaverk Ásdísar Ránar Lífið Swing og hópkynlíf fyrir byrjendur! Lífið Engir palestínskir fánar í Eurovision-höllinni Lífið Sjarmerandi og seiðandi á sjötugsaldri Lífið Fleiri fréttir Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Gerða og glæsilegar gellur á Edition Swing og hópkynlíf fyrir byrjendur! Snorri og Harpa selja á Njálsgötu Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Sjá meira
Ásgeir Jónsson, forstöðumaður grunnnáms hjá viðskiptadeild Háskólans í Reykjavík og fyrrverandi handboltamaður, segir frá þessu á Twitter í dag. Ásgeir var í umræddri útskriftarferð þegar þeir rákust á Ólaf Stefánsson, þá á hátindi ferilsins. Eftir stórskemmtilegt kvöld í félagsskap Ólafs varð útlitið svart en það var þá sem handboltakempan lét til sín taka, utan vallar. Þrammandi partí Frásögn Ásgeirs hefur vakið mikla athygli. Hann segir í stuttu samtali við Vísi þykjast vita að Ólafur hafi engan áhuga á að fara í einhvern hetjubúning. En hann sé bara bestur. Það sé bara þannig. Smá saga af Óla Stef og hvernig hann bjargaði vinkonu minni um árið sem hafði verið byrlað. Þráður.— Ásgeir Jónsson (@sonurjons) January 21, 2022 „Ég var staddur ásamt fríðum hópi í útskriftarferð á Mallorca 2002. Það var þrammandi partí í tvær vikur og ungt fólk aldrei upplifað annað eins frelsi,“ segir Ásgeir. „Þarna var Óli Stef þegar besti handboltamaður heims. Hann hafði farið á kostum með Magdeburg, sem vann Meistaradeildina þetta ár þar sem hann var yfirburðarmaður og markahæstur í úrslitum. Líka markahæstur og í úrvalsliði Evrópumótsins sama ár.“ Ísland hafði hafnað í fjórða sæti á Evrópumótinu í Svíþjóð í janúar og Ólafur svo farið á kostum með Magdeburg með fyrrnefndum árangri. Nei Íslendingar! Hefð hafi verið fyrir því að þýsku liðin færu í vikuferð í sólina að loknu löngu og ströngu tímabili. Með Ólafi voru meðal annars hornamaðurinn og þýski landsliðsmaðurinn Stefan Kretzschmar og fleiri kempur. Að sletta vel úr klaufunum. Ólafur Stefánsson er þekktur fyrir að pæla mikið í heimspeki og hefur auk þess vakið athygli fyrir gjörninga sína undanfarin ár.Vísir/Vilhelm „Við sátum á skemmtistað hópurinn og mikið partí í gangi þegar það er gripið um axlirnar á mér og vini mínum. „Nei Íslendingar“. Það var Óli. Á þessum tímapunkti var þetta svipað fyrir tvítugan handboltakappa að hitta Messi. Sem sagt fagnaðarfundir, a.m.k. fyrir annan okkar.“ Þau hafi öll skemmt sér saman fram eftir kvöldi. Mikil gleði þar til alvarlegt atvik átti sér stað. „Æskuvinkonu minni var byrlað ólyfjan af einhverju skítseiði og ástandið eftir því. Hringt á sjúkrabíl og ég fór með henni. Óli áttaði sig á því að við yrðum í miklum vanda þar sem hvorugt okkar talaði spænsku. Óli hafði lært spænsku sjálfur í nokkra mánuði á undan, eins og maður gerir bara? og var farinn að tala fínustu spænsku. Hann bauðst til að koma með okkur.“ Sem reyndist eins gott. Ólafur hafði rétt fyrir sér. Kristallar persónuna sem Óli er „Ekki nokkur maður talaði ensku á spítalanum og við hefðum verið í algjöru basli án hans. Óli tók öll samtölin, hjálpaði með alla pappíra og borgaði þann kostnað sem féll til. Á meðan verið var að huga að vinkonu minni sátum við biðstofunni og spjölluðum um heima og geima. Á svipuðum nótum og nýlegu podcasti. Óli talaði um mikilvægi þess að upplifa sjálfur, fara sínar leiðir, trú og dreyma. Flest sem hafði og hefur mótað hans ferðalag og gerir enn.“ Eftir um þrjá tíma hafi vinkona hans verið komin á fætur. Henni hafi ekki verið trúað þar sem kókaín hafi fundist í blóði hennar. Sjaldan sé prófað fyrir lyfjum sem notuð séu við byrlun. Ásgeir telur að kókaíni hafi verið hent í blönduna til að minnka líkurnar á að þolanda yrði trúað. Að neðan má sjá nærmynd af Ólafi úr Íslandi í dag árið 2010. „Hversu oft ætli byrlun hafi verið afskrifuð með þessum hætti? En allir komust heilir heim og sem betur fer fór þetta allt vel,“ segir Ásgeir. Hann staldrar við framtak Ólafs þetta kvöld á Mallorca. „Eins og ég nefndi í upphafi var Óli sennilega frægasti handboltamaður heims þarna. Flestir hefðu bara horft á sjúkrabílinn keyra í burtu og haldið kvöldi sínu áfram. Fyrir mér kristallar þetta persónuna sem Óli er. Takk Óli.“ Ólafur er einn af sérfræðingum EM-stofunnar á RÚV þessa dagana á meðan karlalandsliðið keppir í Búdapest. Innkoma hans hefur vakið verðskuldaða athygli. Ólafur gaf út bókina Gleymna óskin árið 2019 og tók lagið af því tilefni.
Íslendingar erlendis Handbolti Mest lesið Ekki með mönnum á hennar aldri því „þeir eru allir látnir“ Lífið Potter-stjarna harmar hvernig fór með Rowling Bíó og sjónvarp Minningar um líf sem er að hverfa Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Óstundvísi Steina sögð kosta tugi milljóna dollara Lífið „Kveiktum næstum í öllu sumarbústaðalandinu“ Lífið Sagan á bak við djarft listaverk Ásdísar Ránar Lífið Swing og hópkynlíf fyrir byrjendur! Lífið Engir palestínskir fánar í Eurovision-höllinni Lífið Sjarmerandi og seiðandi á sjötugsaldri Lífið Fleiri fréttir Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Gerða og glæsilegar gellur á Edition Swing og hópkynlíf fyrir byrjendur! Snorri og Harpa selja á Njálsgötu Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Sjá meira