Vatnið í eyranu reyndist vera kakkalakki

Eiður Þór Árnason skrifar 13. janúar 2022 17:25

Kakkalakkar eru sjaldan eftirsóknarverðir sambýlingar. Myndin er úr safni. Getty/PansLaos

Lítill kakkalakki var fjarlægður úr eyra karlmanns á Nýja Sjálandi á mánudag. Þá voru þrír dagar liðnir frá því hann byrjaði að finna fyrir einhverju iða í eyranu á sér.

Í fyrstu taldi Zane Wedding um að ræða vatn frá því hann fékk sér sundsprett á föstudag. Fljótlega eftir sundið vaknaði hann af síðdegisblundi með stíflu í eyra og leið eins og eitthvað væri þar spriklandi.

Á sunnudag leitaði Wedding sér læknisaðstoðar. Þar var eyrað skolað, sýklalyfjum ávísað og honum sagt að beina hárþurrku að eyranu á sér.

Hann segir í samtali við The Guardian að þá hafi ástandið versnað til muna, hann misst heyrnina á öðru eyranu og átt erfitt með að sofa.

Næst bókaði hann tíma hjá eyrnasérfræðingi sem leit inn í eyrað á mánudag og var fljót að sjá að það væri ekki beint vökvi sem vvar að angra Wedding. Nokkrum mínútum síðar var hún búin að fjarlægja dauðan kakkalakka úr eyranu með sogtóli og töngum.

„Ég hafði verið að elda hann frá því á laugardag,“ segir Wedding léttur í bragði.

Hann gaf forviða lækninum skordýrið sem minjagrip sem hafði aldrei upplifað annað eins.

Nýja-Sjáland Dýr

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.