Johnson situr fyrir svörum um ólögleg veisluhöld

Gunnar Reynir Valþórsson skrifar 12. janúar 2022 06:54

Johnson hefur oftar en einu sinni og oftar en tvisvar þurft að svara fyrir meint sóttvarnabrot sín og annarra. epa/Neil Hall

Boris Johnson forsætisráðherra Breta situr fyrir svörum í breska þinginu í dag og er fastlega búist við því að þingmenn stjórnarandstöðunnar og einnig hans eigin flokksmenn muni ganga hart fram gegn honum.

Um fátt annað er nú rætt í Bretlandi en veislu sem boðið var til í Downingstræti 10 í maí 2020, þar sem starfsliði forsætisráðherrans var boðið og var tilefnið að fagna því hversu góð vinna hafi verið unnin í baráttunni við kórónuveiruna.

Vandamálið er að á þessum tíma voru öll slík veisluhöld stranglega bönnuð, samkvæmt reglum sem ráðherrann hafði sjálfur kynnt.

Vitni hafa greint breska ríkisútvarpinu frá því að Johnson sjálfur hafi mætt í veisluna ásamt konu sinni en hann hefur ekki viljað staðfesta að svo hafi verið.

Fjölmargir þingmenn hafa nú krafist afsagnar Johnsons, ef í ljós kemur að hann hafi mætt í veisluna.

Bretland Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.