Grýtti grilli að lögregluþjónum og hlaut fimmtán mánaða dóm Árni Sæberg skrifar 9. janúar 2022 11:52 Dómurinn féll í Héraðsdómi Reykjavíkur. Vísir/Vilhelm Karlmaður var á miðvikudag dæmdur til fimmtán mánaða fangelsisvistar fyrir fjölmörg brot, þar á meðal að hafa grýtt gasgrilli í átt að lögreglumönnum og innflutning á amfetamíni. Mál ákæruvaldsins gegn manninum var höfðað með fjórum ákærum en sú fyrsta var gefin út í október 2020. Í henni var honum gefið að sök að hafa í tvígang ekið undir áhrifum fíkniefna og án ökuréttinda auk þess að hafa fíkniefni í fórum sínum. Fyrir dómi bar maðurinn fyrir sig að í fyrra skiptið hafi hann ekki verið að aka umræddri bifreið. Hann hafi verið beðinn um að losa bíllykil sem sat fastur í kveikjulás. Þess vegna hafi hann setið í bílstjórasætinu þegar lögregla kom að honum. Í annarri ákæru var honum enn gefið að sök að aka án réttinda og undir áhrifum, í þetta sinn í fjögur skipti. Þá var hann einnig ákærður fyrir brot á lögreglulögum með því að hafa ekki hlýtt fyrirmælum lögreglu. Slasaði tvo lögregluþjóna Í þriðju ákæru er maðurinn ákærður fyrir brot gegn valdstjórninni með því að hafa „ráðist með ofbeldi gegn lögreglumönnum nr. X og Y, sem voru við skyldustörf og hugðust handtaka hann, sparkað í þær, ýtt við þeim, slegið til þeirra og kastað gasgrilli í átt að þeim, allt með þeim afleiðingum að lögreglumaður nr. X hlaut mar á vinstri sköflung og lögreglumaður nr. Y hlaut mar á framanverðan vinstri fótlegg, mar efst á vinstri kálfa sem og roða og marbletti á vinstri olnboga.“ Þetta segir í dómi Héraðsdóms Reykjavíkur. Í skýrslutöku fyrir dómi sagðist maðurinn ekki kannast við að hafa beitt lögregluþjónana ofbeldi. Hann hafi setið í kyrrstæðri bifreið, sem hann hafði ekið án réttinda, þegar hurð bifreiðarinnar var skyndilega hrundið upp og hann verið sprautaður með piparúða. Úðinn hafi gert það að verkum hann sæi ekki frá sér og gerði sér ekki grein fyrir að um lögreglumenn, sem hyggðust handtaka hann, væri að ræða. Þá segir hann lögreglumenn hvorki hafa auðkennt sig sem slíka né tilkynnt honum að hann væri handtekinn. Í kjölfar piparúðunarinnar hafi hann reynt að komast inn í nálægt hús, „Hann hefði hent gasgrilli til hliðar sem var fyrir honum og tálmaði honum inngöngu í húsið,“ segir maðurinn í skýrslutöku fyrir dómi. Þegar inn í húsið var komið hafi hann þegar neytt fíkniefna og það skýri efni sem mældust í blóði hans sem tekið var seinna sama dag. Fyrir dómi báru umræddir lögregluþjónar vitni um ofbeldið sem maðurinn beitti þá. Þeir segja hann ekki hafa fylgt fyrirmælum þeirra, meðal annars að afhenda lykil bifreiðarinnar. Þá hafi þeir afráðið að sprauta hann með piparúða. Við það hafi maðurinn ókyrrst og ýtt við öðrum lögreglumanninum. Þá hafi þeir sprautað hann aftur, sem gerði illt verra. „Ákærði hefði áfram ekki hlýtt fyrirmælum og vitnið því afráðið að slá hann með kylfu í kálfann. Ákærði hefði gripið í þungt gasgrill sem stóð við útihurðina og kastað því með ógnandi hætti í áttina að vitninu og lögreglumanni nr. Y,“ sagði annar lögregluþjónninn í skýrslutöku. Stórfellt fíkniefnasmygl Að lokum var maðurinn ákærður fyrir stórfellt fíkniefnalagabrot með því að hafa flutt inn um 494 grömm af mjög sterku amfetamíni, ætluðu til söludreifingar. Efnin fundust við leit í tösku mannsins og buxnavasa við komu til landsins frá Amsterdam. Sérfræðingur sem bar vitni fyrir dómi sagði efnið duga til sölu á um einu kílói amfetamíns á markaði. Fyrir dómi kannaðist maðurinn við að hafa flutt efnið til landsins en sagði þó að það hafi verið ætlað til einkaneyslu. Hann hafi um árabil verið háður amfetamíni sem skýrði hegðun hans og önnur brot sem hann var ákærður fyrir. Þá sagðist hann þegar hafa neytt hluta þess efnis sem hann keypti í Hollandi óblandað. Fimmtán mánuðir og ævilöng svipting Héraðsdómur Reykjavíkur sakfelldi manninn fyrir öll ofangreind brot en sýknaði hann af einum ákærulið sem sneri að meintu lögreglubroti. Eðli málsins samkvæmt var maðurinn sviptur ökuréttindum ævilangt en um ítrekun á fyrri sviptingu er að ræða. Þá hlaut maðurinn fimmtán mánaða óskilorðsbundinn fangelsisdóm. Í niðurstöðum dómsins er tekið fram að ekki sé unnt að skilorðsbinda dóminn vegna alvarleika brota mannsins og langs afbrotaferils hans. Þá var maðurinn dæmdur til að bera allan málskostnað, rétt tæplega fjórar milljónir króna. Auk þess má hann þola upptöku tæplega hálfs kílós af sterku amfétamíni, um fjögurra gramma af kókaíni og 0,14 gramma af metamfetamíni. Lögreglumál Dómsmál Reykjavík Fíkniefnabrot Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fólk sem ætlar að kjósa gegn Katrínu gæti lent í vandræðum Innlent Segja þrjá hafa kastast út úr rútunni Innlent Ræða mögulega við rútubílstjórann í dag Innlent Grunaður um kynferðisbrot gegn stjúpdóttur sinni Innlent Ummerki um að vegurinn hafi gefið sig Innlent Tók myndir af fólki á skemmtistað í leyfisleysi Innlent „Þessi iðnaður er með meira eða minna allt niður um sig“ Innlent Forsetavaktin 2024: Hver verður sjöundi forseti lýðveldisins? Innlent Allir um borð í rútunni Íslendingar Innlent Segir veginn ekki hafa gefið sig Innlent Fleiri fréttir Ágreiningur um túlkun sem nái inn á borð ríkisstjórnarinnar Segir veginn ekki hafa gefið sig Vilja nýtt hjúkrunarheimili í Vík í Mýrdal Yazan bíður enn svara Segir róðurinn vera að þyngjast fyrir Ísraelsmenn Íslendingurinn enn á sjúkrahúsi í Bangkok Segja þrjá hafa kastast út úr rútunni Öruggast að sjóða neysluvatn á Flateyri Fólk sem ætlar að kjósa gegn Katrínu gæti lent í vandræðum Rútuslys í Rangárþingi og óvissa um brottflutning palestínsks drengs Ummerki um að vegurinn hafi gefið sig Malbika hægri akrein Reykjanesbrautar á morgun Áfengissala, forsetakosningar og neytendamál Ræða mögulega við rútubílstjórann í dag Tók myndir af fólki á skemmtistað í leyfisleysi Grunaður um kynferðisbrot gegn stjúpdóttur sinni „Þessi iðnaður er með meira eða minna allt niður um sig“ Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Sjá meira
Mál ákæruvaldsins gegn manninum var höfðað með fjórum ákærum en sú fyrsta var gefin út í október 2020. Í henni var honum gefið að sök að hafa í tvígang ekið undir áhrifum fíkniefna og án ökuréttinda auk þess að hafa fíkniefni í fórum sínum. Fyrir dómi bar maðurinn fyrir sig að í fyrra skiptið hafi hann ekki verið að aka umræddri bifreið. Hann hafi verið beðinn um að losa bíllykil sem sat fastur í kveikjulás. Þess vegna hafi hann setið í bílstjórasætinu þegar lögregla kom að honum. Í annarri ákæru var honum enn gefið að sök að aka án réttinda og undir áhrifum, í þetta sinn í fjögur skipti. Þá var hann einnig ákærður fyrir brot á lögreglulögum með því að hafa ekki hlýtt fyrirmælum lögreglu. Slasaði tvo lögregluþjóna Í þriðju ákæru er maðurinn ákærður fyrir brot gegn valdstjórninni með því að hafa „ráðist með ofbeldi gegn lögreglumönnum nr. X og Y, sem voru við skyldustörf og hugðust handtaka hann, sparkað í þær, ýtt við þeim, slegið til þeirra og kastað gasgrilli í átt að þeim, allt með þeim afleiðingum að lögreglumaður nr. X hlaut mar á vinstri sköflung og lögreglumaður nr. Y hlaut mar á framanverðan vinstri fótlegg, mar efst á vinstri kálfa sem og roða og marbletti á vinstri olnboga.“ Þetta segir í dómi Héraðsdóms Reykjavíkur. Í skýrslutöku fyrir dómi sagðist maðurinn ekki kannast við að hafa beitt lögregluþjónana ofbeldi. Hann hafi setið í kyrrstæðri bifreið, sem hann hafði ekið án réttinda, þegar hurð bifreiðarinnar var skyndilega hrundið upp og hann verið sprautaður með piparúða. Úðinn hafi gert það að verkum hann sæi ekki frá sér og gerði sér ekki grein fyrir að um lögreglumenn, sem hyggðust handtaka hann, væri að ræða. Þá segir hann lögreglumenn hvorki hafa auðkennt sig sem slíka né tilkynnt honum að hann væri handtekinn. Í kjölfar piparúðunarinnar hafi hann reynt að komast inn í nálægt hús, „Hann hefði hent gasgrilli til hliðar sem var fyrir honum og tálmaði honum inngöngu í húsið,“ segir maðurinn í skýrslutöku fyrir dómi. Þegar inn í húsið var komið hafi hann þegar neytt fíkniefna og það skýri efni sem mældust í blóði hans sem tekið var seinna sama dag. Fyrir dómi báru umræddir lögregluþjónar vitni um ofbeldið sem maðurinn beitti þá. Þeir segja hann ekki hafa fylgt fyrirmælum þeirra, meðal annars að afhenda lykil bifreiðarinnar. Þá hafi þeir afráðið að sprauta hann með piparúða. Við það hafi maðurinn ókyrrst og ýtt við öðrum lögreglumanninum. Þá hafi þeir sprautað hann aftur, sem gerði illt verra. „Ákærði hefði áfram ekki hlýtt fyrirmælum og vitnið því afráðið að slá hann með kylfu í kálfann. Ákærði hefði gripið í þungt gasgrill sem stóð við útihurðina og kastað því með ógnandi hætti í áttina að vitninu og lögreglumanni nr. Y,“ sagði annar lögregluþjónninn í skýrslutöku. Stórfellt fíkniefnasmygl Að lokum var maðurinn ákærður fyrir stórfellt fíkniefnalagabrot með því að hafa flutt inn um 494 grömm af mjög sterku amfetamíni, ætluðu til söludreifingar. Efnin fundust við leit í tösku mannsins og buxnavasa við komu til landsins frá Amsterdam. Sérfræðingur sem bar vitni fyrir dómi sagði efnið duga til sölu á um einu kílói amfetamíns á markaði. Fyrir dómi kannaðist maðurinn við að hafa flutt efnið til landsins en sagði þó að það hafi verið ætlað til einkaneyslu. Hann hafi um árabil verið háður amfetamíni sem skýrði hegðun hans og önnur brot sem hann var ákærður fyrir. Þá sagðist hann þegar hafa neytt hluta þess efnis sem hann keypti í Hollandi óblandað. Fimmtán mánuðir og ævilöng svipting Héraðsdómur Reykjavíkur sakfelldi manninn fyrir öll ofangreind brot en sýknaði hann af einum ákærulið sem sneri að meintu lögreglubroti. Eðli málsins samkvæmt var maðurinn sviptur ökuréttindum ævilangt en um ítrekun á fyrri sviptingu er að ræða. Þá hlaut maðurinn fimmtán mánaða óskilorðsbundinn fangelsisdóm. Í niðurstöðum dómsins er tekið fram að ekki sé unnt að skilorðsbinda dóminn vegna alvarleika brota mannsins og langs afbrotaferils hans. Þá var maðurinn dæmdur til að bera allan málskostnað, rétt tæplega fjórar milljónir króna. Auk þess má hann þola upptöku tæplega hálfs kílós af sterku amfétamíni, um fjögurra gramma af kókaíni og 0,14 gramma af metamfetamíni.
Lögreglumál Dómsmál Reykjavík Fíkniefnabrot Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fólk sem ætlar að kjósa gegn Katrínu gæti lent í vandræðum Innlent Segja þrjá hafa kastast út úr rútunni Innlent Ræða mögulega við rútubílstjórann í dag Innlent Grunaður um kynferðisbrot gegn stjúpdóttur sinni Innlent Ummerki um að vegurinn hafi gefið sig Innlent Tók myndir af fólki á skemmtistað í leyfisleysi Innlent „Þessi iðnaður er með meira eða minna allt niður um sig“ Innlent Forsetavaktin 2024: Hver verður sjöundi forseti lýðveldisins? Innlent Allir um borð í rútunni Íslendingar Innlent Segir veginn ekki hafa gefið sig Innlent Fleiri fréttir Ágreiningur um túlkun sem nái inn á borð ríkisstjórnarinnar Segir veginn ekki hafa gefið sig Vilja nýtt hjúkrunarheimili í Vík í Mýrdal Yazan bíður enn svara Segir róðurinn vera að þyngjast fyrir Ísraelsmenn Íslendingurinn enn á sjúkrahúsi í Bangkok Segja þrjá hafa kastast út úr rútunni Öruggast að sjóða neysluvatn á Flateyri Fólk sem ætlar að kjósa gegn Katrínu gæti lent í vandræðum Rútuslys í Rangárþingi og óvissa um brottflutning palestínsks drengs Ummerki um að vegurinn hafi gefið sig Malbika hægri akrein Reykjanesbrautar á morgun Áfengissala, forsetakosningar og neytendamál Ræða mögulega við rútubílstjórann í dag Tók myndir af fólki á skemmtistað í leyfisleysi Grunaður um kynferðisbrot gegn stjúpdóttur sinni „Þessi iðnaður er með meira eða minna allt niður um sig“ Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Sjá meira