Erlent

Ó­næmis­fræðingi barst byssu­kúla í pósti

Viktor Örn Ásgeirsson skrifar
Antonella Viola prófessor í ónæmisfræði.
Antonella Viola prófessor í ónæmisfræði. Getty/Candeamo

Einum fremsta ónæmisfræðingi Ítalía barst byssukúla í pósti nýverið. Hún nýtur nú lögregluverndar. 

Ítalir hófu að bólusetja börn á aldrinum fimm til ellefu ára í síðasta mánuði og ákvörðunin hefur ekki verið óumdeild.

Antonella Viola, ónæmisfræðingurinn, hefur verið ötull talsmaður fyrir bólusetningum barna nú síðustu vikurnar í faraldrinum.

Í bréfinu sem henni barst sagði að hún og fjölskylda hennar yrðu skotin til bana ef hún hætti ekki að mæla með bólusetningu barna.

„Þessir einstaklingar eru á móti bólusetningum. Þeir spúa hatri, hafna vísindarökum og lögum og beita ofbeldi. Ég mun halda áfram að ráðleggja foreldrum að bólusetja börnin sín af því það er það rétta í stöðunni,“ sagði Antonella um hótunina við ítalska fjölmiðla. 

Antonella kvaðst aldrei ætla að hætta að tala fyrir vísindum og bað efasemdamenn um að hlusta.

Breska ríkisútvarpið greinir frá.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.