Körfubolti

Sara Rún í miklu stuði í fyrsta leik ársins

Óskar Ófeigur Jónsson skrifar
Sara Rún Hinriksdóttir er að gera flotta hluti í rúmenska kvennakörfuboltanum.
Sara Rún Hinriksdóttir er að gera flotta hluti í rúmenska kvennakörfuboltanum. Vísir/Bára

Körfuboltakona ársins Sara Rún Hinriksdóttir byrjaði nýja árið vel en hún átti mjög flottan leik í dag þegar Phoenix Constanta tryggði sér sæti í undanúrslitum rúmenska bikarsins.

Phoenix Constanta vann þennan seinni leik sinn á móti CSM Targoviste með 27 stiga mun, 86-59, og þar með einvígið með samtals 48 stigum.

Sara Rún fór á kostum og var stigahæst og langframlagshæst í sínu liði. Hún endaði leikinn með 19 stig, 6 fráköst og 5 stoðsendingar og enfaði með 26 framlagsstig. Hún hitti úr 58 prósent skota sinna og tapaði ekki einum bolta á þeim rúmu 33 mínútum sem hún spilaði.

Phoenix liðið var í mjög góðum málum eftir 21 stigs sigur í fyrri leiknum rétt fyrir áramót þar sem Sara var með 18 stig og 9 fráköst.

Íslenska landsliðskonan er á sínu fyrsta tímabili með Phoenix Constanta en Sara Rún hefur unnið titla bæði hér heima á Íslandi með Keflavík sem og með Leicester í Englandi á sínum ferli.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.