Dóra setur Íslandsmet í langlífi Kolbeinn Tumi Daðason skrifar 13. desember 2021 10:30 Dóra hefur aldrei snert áfengi og því síður kveikt sér í sígarettu. Heilbrigt líf með góðu fólki er lykillinn að langlífi segir Dóra sem mældist nýlega með sterkt hjarta í rannsóknum hjá Íslenskri erfðagreiningu. Vísir Dóra Ólafsdóttir á hjúkrunarheimilinu Skjóli í Reykjavík hefur nú náð hærri aldri en nokkur annar hér á landi. Frá þessu er greint á Facebook-hópnum Langlífi. Dóra er fædd 6. júlí 1912 í Suður-Þingeyjarsýslu og er því orðin 109 ára og 160 dögum betur. Jensína Andrésdóttir á Hrafnistu í Reykjavík átti áður Íslandsmetið, 109 ár og 159 daga, en hún lést vorið 2019. Fréttastofa hefur reglulega tekið hús á Dóru undanfarin ár og er alltaf stutt bæði í húmorinn og viskuna. Í viðtali í fyrra, á 109 ára afmælisdaginn þann 6. júlí, sagði hún að galdurinn við langlífi væri tiltölulega einfalt mál. „Fyrst og fremst það að vera ekki mikið í áfengi og ekki að reykja.“ Hún lét þó fylgja sögunni að hún nennti ekki að lifa mikið lengur. Þá rifjaði hún upp í viðtali við Stöð 2 árið 2020 þegar hún sá Kötlugos árið 1918. Magnús Hlynur Hreiðarsson hitti svo Dóru í október í fyrra þar sem hún var mætt í Hveragerði til að fá sér ís og safna birkifræjum. „Mér finnst að ungir og gamlir eigi að vera í því að safna birkifræi og lífga upp á landið. Ég stend í fæturna með fólkinu sem er að tína. Þetta er það sem ég hef áhuga á, til að bjarga landi og þjóð,“ sagði Dóra. Hún bætti við að hún þyrfi ekki að kvarta verandi þá 108 ára því hún hefði það mjög gott. „Ég þekki ekki það að verða að gefast upp við eitthvað. Maður verður að standa sig vel. Ég þakka háum aldri að hafa lifað heilbrigðu lífi með góðu fólki,“ sagði Dóra við það tilefni. Á vef Langlífis kemur fram að í rúma fjóra áratugi hafi Dóra starfað sem talsímakona hjá Landsímanum á Akureyri. Þórir Áskelsson eiginmaður hennar var sjómaður og seglasaumari. Hann var áhugamaður um íslenskt mál og vinur Davíðs Stefánssonar skálds. Þórir og Dóra voru gefin saman í hjónaband 15. febrúar 1943, bæði um þrítugt. Þau bjuggu á Norðurgötu 53. Þórir dó í desember 2000, 89 ára. Þegar Dóra var hundrað ára flutti hún til Áskels sonar síns í Kópavogi en Ása dóttir hennar býr í Bandaríkjunum. Síðar sama ár fór Dóra á Skjól. Áskell sonur Dóru tjáir Langlífi að móðir hans sé hress miðað við þennan háa aldur. Í nýlegri rannsókn hjá Íslenskri erfðagreinnigu kom á daginn að hún væri með sterkt hjarta. Dóra er áttundi elsti íbúi á Norðurlöndum, elst er sænsk kona sem er rúmum fjórum mánuðum eldri. „Aðeins einn Íslendingur hefur ná hærri aldri en Dóra. Það er Guðrún Björg Björnsdóttir sem var á fjórða ári þegar hún flutti með foreldrum sínum frá Vopnafirði til Vesturheims og var orðin 109 ára og 310 daga þegar hún lést, í ágúst 1998, á dvalarheimilinu Betel í Gimli í Manitoba í Kanada. Dóra getur bætt það met í maí á næsta ári,“ segir á vef Langlífis. Heimsókn frá forsætisráðherra í morgunsárið Katrín Jakobsdóttir forsætisráðherra mætti í heimsókn til Dóru í morgun. „Dagurinn byrjaði alveg sérdeilis vel en ég heimsótti Dóru Ólafsdóttur í morgun til að óska henni til hamingju með að hafa náð hærri aldri en nokkur annar hér á landi,“ segir Katrín. Katrín og Dóra saman í morgun.Katrín Jakobsdóttir „Sem sérstök áhugamanneskja um langlífi spurði ég hana hvert leyndarmálið væri á bak við að hafa lifað svona lengi. Dóra sagði mér að hún léti tóbakið og áfengið í friði, hefði gengið mikið, farið í sund og síðast en ekki síst lifað rólegu lífi og alla tíð haft gaman af að lesa. Við getum öll haft þetta í huga á aðventunni.“ Tímamót Eldri borgarar Langlífi Tengdar fréttir Elsti Íslendingurinn 109 ára í dag: „Ég nenni nú ekki að verða mikið eldri“ Dóra Ólafsdóttir, elsti Íslendingurinn, fagnar 109 ára afmæli í dag. Hún er hress og kát og fylgist alltaf vel með þjóðmálunum. Hún þakkar langlífið reyk- og áfengislausum lífstíl. 6. júlí 2021 17:15 Mest lesið Ástfangin á ný Lífið Auður í Bæjarbíói: Frá slaufun í standandi fagnaðarlæti Gagnrýni Er ekki eðlilegt að stunda kynlíf á afmælinu? Lífið Lýsir raunum einhleypra í Reykjavík: „Tilhugalífið minnir á lélegt bókunarkerfi“ Lífið Hefur keypt fasteignir fyrir rúman milljarð íslenskra króna á árinu Lífið Selja íbúð í Vesturbænum: „Við eigum of mörg börn til að búa í henni áfram“ Lífið Vaða beint í aðra bók eftir Sigríði Hagalín Bíó og sjónvarp Hollywood-stjarna slær sér upp með prins Lífið „Er ekki hér til að keppast um fegurð“ Lífið Minntist bróður síns fyrir fullum sal Lífið Fleiri fréttir Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Minntist bróður síns fyrir fullum sal Leiðir skilja hjá Svala og Jóhönnu Stella og Davíð sjóðheitt nýtt par Elín tendrar eldana fyrir Laufeyju Mun aldrei gleyma augnaráði bílstjórans Óvænt stjörnuskipti í jólasýningu Þjóðleikhússins Unnur Birna verður Elma „Þrisvar sinnum hefur mér verið hótað lífláti“ Bragðgóð graskers- og púrrlaukssúpa með karrý og kókosmjólk Claudia Cardinale er látin O (Hringur) hlaut aðalverðlaun leikinna mynda á Nordisk Panorama Framkvæmdastjóri Olís selur glæsihús í Garðabæ Fyrsta Ungfrú Grænland í rúm þrjátíu ár Kynfræðingur, rektor og listakona styrktu tengslin FM Belfast bætir við aukatónleikum Þóttist hafa rekið bróður sinn sem mætti óvænt aftur Fann ástina loksins þegar hann tók sér marga elskhuga „Balí hefur einfaldlega stolið hjarta mínu“ 20 börn frá Grænlandi í sundi, skautum og í heimsókn hjá forsetanum Hver er Thomas Skinner? Tryllingur, framhjáhald og myndarlegar máltíðir Sjá meira
Dóra er fædd 6. júlí 1912 í Suður-Þingeyjarsýslu og er því orðin 109 ára og 160 dögum betur. Jensína Andrésdóttir á Hrafnistu í Reykjavík átti áður Íslandsmetið, 109 ár og 159 daga, en hún lést vorið 2019. Fréttastofa hefur reglulega tekið hús á Dóru undanfarin ár og er alltaf stutt bæði í húmorinn og viskuna. Í viðtali í fyrra, á 109 ára afmælisdaginn þann 6. júlí, sagði hún að galdurinn við langlífi væri tiltölulega einfalt mál. „Fyrst og fremst það að vera ekki mikið í áfengi og ekki að reykja.“ Hún lét þó fylgja sögunni að hún nennti ekki að lifa mikið lengur. Þá rifjaði hún upp í viðtali við Stöð 2 árið 2020 þegar hún sá Kötlugos árið 1918. Magnús Hlynur Hreiðarsson hitti svo Dóru í október í fyrra þar sem hún var mætt í Hveragerði til að fá sér ís og safna birkifræjum. „Mér finnst að ungir og gamlir eigi að vera í því að safna birkifræi og lífga upp á landið. Ég stend í fæturna með fólkinu sem er að tína. Þetta er það sem ég hef áhuga á, til að bjarga landi og þjóð,“ sagði Dóra. Hún bætti við að hún þyrfi ekki að kvarta verandi þá 108 ára því hún hefði það mjög gott. „Ég þekki ekki það að verða að gefast upp við eitthvað. Maður verður að standa sig vel. Ég þakka háum aldri að hafa lifað heilbrigðu lífi með góðu fólki,“ sagði Dóra við það tilefni. Á vef Langlífis kemur fram að í rúma fjóra áratugi hafi Dóra starfað sem talsímakona hjá Landsímanum á Akureyri. Þórir Áskelsson eiginmaður hennar var sjómaður og seglasaumari. Hann var áhugamaður um íslenskt mál og vinur Davíðs Stefánssonar skálds. Þórir og Dóra voru gefin saman í hjónaband 15. febrúar 1943, bæði um þrítugt. Þau bjuggu á Norðurgötu 53. Þórir dó í desember 2000, 89 ára. Þegar Dóra var hundrað ára flutti hún til Áskels sonar síns í Kópavogi en Ása dóttir hennar býr í Bandaríkjunum. Síðar sama ár fór Dóra á Skjól. Áskell sonur Dóru tjáir Langlífi að móðir hans sé hress miðað við þennan háa aldur. Í nýlegri rannsókn hjá Íslenskri erfðagreinnigu kom á daginn að hún væri með sterkt hjarta. Dóra er áttundi elsti íbúi á Norðurlöndum, elst er sænsk kona sem er rúmum fjórum mánuðum eldri. „Aðeins einn Íslendingur hefur ná hærri aldri en Dóra. Það er Guðrún Björg Björnsdóttir sem var á fjórða ári þegar hún flutti með foreldrum sínum frá Vopnafirði til Vesturheims og var orðin 109 ára og 310 daga þegar hún lést, í ágúst 1998, á dvalarheimilinu Betel í Gimli í Manitoba í Kanada. Dóra getur bætt það met í maí á næsta ári,“ segir á vef Langlífis. Heimsókn frá forsætisráðherra í morgunsárið Katrín Jakobsdóttir forsætisráðherra mætti í heimsókn til Dóru í morgun. „Dagurinn byrjaði alveg sérdeilis vel en ég heimsótti Dóru Ólafsdóttur í morgun til að óska henni til hamingju með að hafa náð hærri aldri en nokkur annar hér á landi,“ segir Katrín. Katrín og Dóra saman í morgun.Katrín Jakobsdóttir „Sem sérstök áhugamanneskja um langlífi spurði ég hana hvert leyndarmálið væri á bak við að hafa lifað svona lengi. Dóra sagði mér að hún léti tóbakið og áfengið í friði, hefði gengið mikið, farið í sund og síðast en ekki síst lifað rólegu lífi og alla tíð haft gaman af að lesa. Við getum öll haft þetta í huga á aðventunni.“
Tímamót Eldri borgarar Langlífi Tengdar fréttir Elsti Íslendingurinn 109 ára í dag: „Ég nenni nú ekki að verða mikið eldri“ Dóra Ólafsdóttir, elsti Íslendingurinn, fagnar 109 ára afmæli í dag. Hún er hress og kát og fylgist alltaf vel með þjóðmálunum. Hún þakkar langlífið reyk- og áfengislausum lífstíl. 6. júlí 2021 17:15 Mest lesið Ástfangin á ný Lífið Auður í Bæjarbíói: Frá slaufun í standandi fagnaðarlæti Gagnrýni Er ekki eðlilegt að stunda kynlíf á afmælinu? Lífið Lýsir raunum einhleypra í Reykjavík: „Tilhugalífið minnir á lélegt bókunarkerfi“ Lífið Hefur keypt fasteignir fyrir rúman milljarð íslenskra króna á árinu Lífið Selja íbúð í Vesturbænum: „Við eigum of mörg börn til að búa í henni áfram“ Lífið Vaða beint í aðra bók eftir Sigríði Hagalín Bíó og sjónvarp Hollywood-stjarna slær sér upp með prins Lífið „Er ekki hér til að keppast um fegurð“ Lífið Minntist bróður síns fyrir fullum sal Lífið Fleiri fréttir Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Minntist bróður síns fyrir fullum sal Leiðir skilja hjá Svala og Jóhönnu Stella og Davíð sjóðheitt nýtt par Elín tendrar eldana fyrir Laufeyju Mun aldrei gleyma augnaráði bílstjórans Óvænt stjörnuskipti í jólasýningu Þjóðleikhússins Unnur Birna verður Elma „Þrisvar sinnum hefur mér verið hótað lífláti“ Bragðgóð graskers- og púrrlaukssúpa með karrý og kókosmjólk Claudia Cardinale er látin O (Hringur) hlaut aðalverðlaun leikinna mynda á Nordisk Panorama Framkvæmdastjóri Olís selur glæsihús í Garðabæ Fyrsta Ungfrú Grænland í rúm þrjátíu ár Kynfræðingur, rektor og listakona styrktu tengslin FM Belfast bætir við aukatónleikum Þóttist hafa rekið bróður sinn sem mætti óvænt aftur Fann ástina loksins þegar hann tók sér marga elskhuga „Balí hefur einfaldlega stolið hjarta mínu“ 20 börn frá Grænlandi í sundi, skautum og í heimsókn hjá forsetanum Hver er Thomas Skinner? Tryllingur, framhjáhald og myndarlegar máltíðir Sjá meira
Elsti Íslendingurinn 109 ára í dag: „Ég nenni nú ekki að verða mikið eldri“ Dóra Ólafsdóttir, elsti Íslendingurinn, fagnar 109 ára afmæli í dag. Hún er hress og kát og fylgist alltaf vel með þjóðmálunum. Hún þakkar langlífið reyk- og áfengislausum lífstíl. 6. júlí 2021 17:15