Innlent

Hús Norður­slóðar rísi á Sturlu­götu 9

Árni Sæberg skrifar
Hús Norðurslóðar kemur til með að rísa í Vatnsmýrinni, gegnt aðalbyggingu Háskóla Íslands.
Hús Norðurslóðar kemur til með að rísa í Vatnsmýrinni, gegnt aðalbyggingu Háskóla Íslands. Vísir/Vilhelm

Borgarráð hefur samþykkt viljayfirlýsingu milli Háskóla Íslands og Reykjavíkurborgar um ráðstöfun lóðarinnar á Sturlugötu 9 til Norðurslóðar, húss Stofnunar Ólafs Ragnars Grímssonar.

Húsnæðið verður helgað málefnum norðurslóða og það verður framtíðarheimili Hringborðs Norðurslóða, Arctic Circle.

Þurfi stofnunin ekki alla lóðina undir starfsemi sína verður henni skipt með eignaskiptasamningi. Aðrir hlutar lóðarinnar verði nýttir fyrir klasa sem myndaður er af vísindafólki, verkefnum og fyrirtækjum á sviði sjálfbærni, umhverfis-, auðlinda-, náttúrufars- og loftslagsrannsókna.

Gert er ráð fyrir að sá klasi verði í nánum tengslum við starfsemi í Öskju, fyrirhugaða starfsemi í Norðurslóð og aðra starfsemi á svæði Háskóla Íslands og Vísindagarða. 

Áður var gert ráð fyrir að Listaháskóli Íslands fengi lóðina undir starfsemi sína en nú hefur henni verið fundið framtíðarhúsnæði í Tollhúsinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.