Íslenski boltinn

ÍBV sækir sér liðsstyrk frá meisturunum

Sindri Sverrisson skrifar
Halldór Jón Sigurður Þórðarson tekur slaginn með ÍBV á næsta tímabili.
Halldór Jón Sigurður Þórðarson tekur slaginn með ÍBV á næsta tímabili. mynd/ÍBV

Nýliðar ÍBV hafa fengið liðsstyrk frá meisturum Víkings fyrir næsta fótboltasumar. Halldór Jón Sigurður Þórðarson skrifaði undir samning við Eyjamenn til þriggja ára.

Halldór var sjö sinnum í byrjunarliði Víkings í Pepsi Max-deildinni í sumar, þegar liðið varð Íslandsmeistari, og lék alls ellefu deildarleiki auk þess að spila einn bikarleik fyrir bikarmeistarana.

Þessi 25 ára gamli leikmaður hefur alls leikið 26 leiki í efstu deild en hann hefur einnig leikið með Gróttu, ÍR og Fram í næstefstu deild, og með Aftureldingu og Hetti í 2. deild. Meistaraflokksferilinn hóf hann með Fram árið 2016. 

Halldór kom fyrst til Víkings í ársbyrjun 2018 en hefur farið að láni til ÍR og Gróttu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.