Lífið

Hvolp­ur sem prump­ar sáp­u­kúl­um fyndn­ast­a gæl­u­dýr­a­mynd árs­ins

Samúel Karl Ólason skrifar
Þrjár af fyndnustu gæludýramyndum ársins.
Þrjár af fyndnustu gæludýramyndum ársins. ANIMAL FRIENDS COMEDY PET PHOTO AWARDS

Fyndnasta gæludýramynd ársins er mynd sem Zoe Ross tók af hvolpinum Pepper. Myndin ber heitið „Whizz Pop“ og virðist sýna sápukúlu koma út úr afturenda Pepper.

Comedy Pet Photo Awards eru haldin árlega og er þeim ætlað að vekja athygli á dýravernd og safna peningum fyrir dýraverndarsamtök.

Sömu aðilar halda utan um Comedy Wildlife Photography Awards en í fyndnasta myndin þeirri keppni var opinberuð í síðasta mánuði.

Rúmlega tvö þúsund myndir bárust í gæludýrakeppnina þetta árið en þær fjörutíu myndir sem kepptu til úrslita voru opinberaðar í september.

Í tilkynningu er haft eftir meðlimum dómnefndarinnar að myndin af Pepper hafi strax vakið athygli þeirra enda sé hún mjög kostuleg.

Auk myndarinnar af Pepper unnu fleiri myndir verðlaun í mismunandi flokkum. Þær myndir má sjá hér að neðan.

Hvolpurinn Pepper virðist hér hafa borðað eitthvað sem hún átti ekki að borða. Þetta er fyndnasta gæludýramynd ársins.Zoe Ross/Animal Friends Comedy Pet Photo Awards
Clementine hefur gaman að því þegar verið er að vökva. Of gaman, myndi einhver segja.Carmen Cromer/Animal Friends Comedy Pet Photo Awards

Jeff stelur athyglinni af Jaffa. Þessi mynd vann í flokki kattamynda.Kathryn Trott/Animal Friends Comedy Pet Photo Awards

Sum dýr eru með betra skopskyn en önnur. Þessi mynd vann í flokki hestamynda.Mary Ellis/Animal Friends Comedy Pet Photo Awards

Hænuungar átta sig ekki alveg á því hvað skuggar eru. Þessi mynd vann í flokki mynda yfir aðrar tegundir dýra.Sophie Bonnefoi/ANIMAL FRIENDS COMEDY PET PHOTO AWARDS

Beau er mjög hlýðinn hundur og þegar honum er sagt að setjast, þá sest hann. Sama hvað eða hver er í vegi hans. Þessi mynd vann í flokki mynda af börnum.Suzi Lonergan/ANIMAL FRIENDS COMEDY PET PHOTO AWARDS

Svei mér þá ef það er ekki svipur með þeim. Þessi mynd vann í flokki mynda af dýrum sem líta út eins og eigendur þeirra.Jakub Gojda/ANIMAL FRIENDS COMEDY PET PHOTO AWARDS

Hér má sjá þrjú stutt myndbönd sem send voru í keppnina. Það fyrsta var valið fyndnast. 

Hér að neðan má svo sjá nokkrar myndir sem unnu ekki til verðlauna en dómnefndinni þótti góðar.

Hugo er frekur á athyglina.Chloe Beck/Animal Friends Comedy Pet Photo Awards

Frábært dúó.Luke O'Brien/ANIMAL FRIENDS COMEDY PET PHOTO AWARDS

Kötturinn Bllue virðist hafa farið fram úr sér í drykkjunni.Kathryn Clark/ANIMAL FRIENDS COMEDY PET PHOTO AWARDS

Hún Leia er að leita sér hjálpar vegna skapofsans.Diana Jill Mehner/Animal Friends Comedy Pet Photo Awards

Hundarnir Star og Will eiga í basli með að fá bolta þeirra til baka frá þessari skringilegu styttu.HRISTINE JOHNSON/ANIMAL FRIENDS COMEDY PET PHOTO AWARDS

Þetta er hinn undarlegasti strútur.Manel Subirats Ferrer/Animal Friends Comedy Pet Photo Awards

Við þekkjum mörg hvernig það er að eiga svona nágranna.Colin Doyle/ANIMAL FRIENDS COMEDY PET PHOTO AWARDS

Þetta virðist hafa verið algert rúst.Corey Seeman/Animal Friends Comedy Pet Photo Awards

Þessi bandaríski köttur er nokkuð óhefðbundinn. Uppreisnarköttur sem fylgir ekki í fótspor annarra og situr eins og honum sýnist.Lucy Slater/Animal Friends Comedy Pet Photo Awards

Það eru alltaf einhverjir sem geta ómögulega verið eðlilegir á mynd.Mollie Cheary/ANIMAL FRIENDS COMEDY PET PHOTO AWARDS




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.