Innlent

116 greindust með kórónu­veiruna innan­lands í gær

Atli Ísleifsson skrifar
Frá sýnatökustað heilsugæslunnar á Suðurlandsbraut.
Frá sýnatökustað heilsugæslunnar á Suðurlandsbraut. Vísir/Vilhelm

116 greindust með kórónuveiruna innanlands í gær. 53 af þeim 116 sem greindist innanlands í gær voru í sóttkví við greiningu, eða 46 prósent. 63 voru utan sóttkvíar, eða 54 prósent.

Þetta kemur fram á síðunni Covid.is. 1.319 eru nú í einangrun vegna Covid-19 samanborið við 1.366 í gær. 1.772 eru í sóttkví, en voru 1.882 í gær. 149 eru nú í skimunarsóttkví.

24 eru nú inniliggjandi á sjúkrahúsum á landinu vegna Covid-19, sami fjöldi og í gær. Þá eru fimm á gjörgæslu líkt og í gær.

Tíu smit kom upp á landamærunum í gær –átta virk smit í fyrri landamæraskimun og er niðurstöðu mótefnamælingar beðið í tilviki tveggja.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 451,6, en var 472,9 í gær. Nýgengi á smiti á landamærum er nú 28,9 samanborið við 28,4 í gær.

Alls hafa 18.765 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 35 andlát verið rakin til Covid-19 hér á landi frá upphafi faraldursins.

Alls voru tekin 1.840 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 2.045 sýni tekin á landamærunum eða í seinni landamæraskimun og 800 í svokallaðri sóttkvíar- og handahófsskimun.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.