Íshellan í Grímsvötnum hefur lækkað um 1,4 metra frá því hún stóð hæst.Vísir/RAX
Sérfræðingar Veðurstofu Íslands búast ekki við því að fyrr en að hlaup hefjist úr Grímsvötnum í Vatnajökli fyrr en eftir nokkra sólarhringa. Íshellan þar hefur lækkað um 1,4 metra frá því hún stóð hæst og bendir það til að vatns sé byrjað að renna undir jöklinum og leiti sér að farvegi.
Enn hafa engar breytingar mælst í Gígjukvísl á Skeiðarársandi.
Einar Hjörleifsson, náttúruvársérfræðingur hjá Veðurstofu Íslands, segir í samtali við fréttastofu að góðir GPS-mælar séu á svæðinu og þeir muni vonandi gefa góðan fyrirvara fyrir hlaup.
Hann segir að nú verði bara að bíða og sjá hvert framhaldið verði. Líklega komi flóðið þó ekki fram fyrr en eftir nokkra sólarhringa.
Magnús Tumi Guðmundsson, prófessor í jarðeðlisfræði við Háskóla Íslands, sagði í dag að töluvert vatn komist fyrir í jöklinum áður en það fari að leita út. Mögulega gæti líka orðið gos á svæðinu, eins og gerðist árið 2011.
Íshellan í Grímvötnum hefur nú sigið um 34 sentimetra frá því í gærmorgun. Búist er við jökulhlaupi en það er þó enn ekki hafið. Talið er líklegt að hlaupið verði síðar í dag eða á morgun.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
