Lífið

Leitaði skjóls í kirkju á fyrsta degi veiðitímabilsins

Samúel Karl Ólason skrifar
Dádýrið var á vappi um kirkjusalinn áður en það fann leiðina út aftur.
Dádýrið var á vappi um kirkjusalinn áður en það fann leiðina út aftur.

Dádýr virðist hafa leitað á náðir guðs þegar það fór í gegnum rúðu á kirkju í Michigan í Bandaríkjunum á fyrsta degi veiðitímabilsins þar. Þegar prestar Grace Sturgis-kirkjunnar mættu til vinnu á mánudaginn komu þeir að karldýri þar inni en þeim tóksta að smala því út.

Dýrið hafði stokkið í gegnum glugga á kirkjunni og var á vappi um salinn.

AP fréttaveitan segir að þrír starfsmenn kirkjunnar hafi hlaðið tálma til að koma í veg fyrir að dádýrið kæmist úr salnum en eins og sjá má á myndbandi sem kirkjan birti í vikunni, þá fór dýrið upp á svalir í kirkjusalnum.

AP fréttaveitan hefur eftir Amöndu Eicher, einum af prestum kirkjunnar, að dádýrið hafi skorið sig á rúðunni sem það stökk í gegnum og blóð hafi lekið á teppið. Að öðru leyti hafi það valdið litlum skemmdum.

Með myndbandi sem kirkjan birti á Facebook segir að dádýrið hafi yfirgefið kirkjuna með styrk frá guði til að takast á við nýhafið veiðitímabil.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.