Enn ein mathöllin opnar senn í Reykjavík

Árni Sæberg skrifar 14. nóvember 2021 12:28

Mathöllin verður staðsett að Vesturgötu 2. Restaurant Reykjavík

Stefnt er að opnun mathallar að Vesturgötu þar sem veitingastaðurinn Restaurant Reykjavík var áður.

Þetta segir í grein á vefsíðunni veitingageirinn.is. Samkvæmt greininni verða fjórtán veitingastaðir á tveimur hæðum í höllinni sem er heilir 1.800 fermetrar að stærð. Þá verður jafnframt veislusalur á eftstu hæð hússins.

Miklar framkvæmdir standa nú yfir í húsnæðinu og ekki er gert ráð fyrir að dyr hallarinnar opni fyrr en í mars, í fyrsta lagi.

„Eftirspurn er búinn að vera flott í pláss í básana og erum við búnir að ganga frá einhverjum nú þegar. Ég lít á þetta project sem stökkpall fyrir nýja aðila sem eru með nýjar og spennandi hugmyndir og vilja koma sér á framfæri,“ segir Árni Traustason, sölu og markaðsstjóri mathallarinnar, í samtali við Veitingageirann.

Reykjavík Veitingastaðir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.