Atvinnulíf

Fimm nauðsynlegar spurningar í desember

Rakel Sveinsdóttir skrifar
Við þurfum heldur betur að stússast í mörgu fyrir jólin og margir vinna sérstaklega mikið í desember. En í þessum mánuði þurfum við sérstaklega að gæta að streitunni, sem oft er sjálfsköpuð. Við erum best í afköstum, samskiptum og þjónustu þegar að okkur líður vel og við erum ekki með áhyggjur.
Við þurfum heldur betur að stússast í mörgu fyrir jólin og margir vinna sérstaklega mikið í desember. En í þessum mánuði þurfum við sérstaklega að gæta að streitunni, sem oft er sjálfsköpuð. Við erum best í afköstum, samskiptum og þjónustu þegar að okkur líður vel og við erum ekki með áhyggjur. Vísir/Vilhelm

Á mörgum vinnustöðum er álagið mikið í desember og á sumum stöðum hefur verið viðvarandi álag alltof lengi vegna Covid. En gleymum okkur ekki í streitu og álagi…

Aðventan er svo skemmtilegur tími og um að gera að njóta hans. Á sama tíma er þetta sá mánuður ársins þar sem við þurfum að passa vel upp á að keyra okkur ekki út:

Við erum að vinna, margir jafnvel meira en venjulega.

Og þá er eftir að reka heimili, ala upp börn, sjá um skutl, kaupa jólaföt, jólagjafir, baka, þrífa, hitta vini og vandamenn í aðventugleði, hugsa um peninga- og fjármálin og svo framvegis.

Pfúff!

Staðreyndin er samt sú að þegar að við verðum úttauguð af stressi, náum við ekki að afkasta nægilega vel eða að vera besta útgáfan okkar í samskiptum og þjónustu.

Í ofanálag getur streitan farið að trufla svefn og hvíld.

Fimm nauðsynlegar spurningar: Hvers vegna?

Til að draga úr desemberstreitunni og hjálpa okkur að halda fókus á þeim verkefnum og markmiðum sem raunverulega skipta máli, er ágætt að draga fram spurningarlistann góða sem á ensku útleggst sem listinn „5 why‘s.“

Dæmi:

Hvers vegna viltu þéna meiri pening? Vegna þess að ég á ekki nægan pening fyrir jólagjöfum.

Hvers vegna áttu ekki nægan pening fyrir jólagjöfum? Vegna þess að þær eru svo dýrar.

Hvers vegna eru jólagjafirnar sem þú ætlar að kaupa svona dýrar? Að því að mig langar til dæmis að gefa makanum mínum gjöf sem er frekar dýr og síðan langar börnunum í frekar dýrar gjafir og síðan eru það mamma og pabbi, tengdó og systkinabörnin og og og…..

Hvers vegna mun þér líða betur að gefa gjafir sem þú átt ekki pening fyrir? Þá verða allir svo ánægðir með gjafirnar sínar.

Hvers vegna verða allir bara ánægðir með gjafirnar sínar ef þær eru dýrari en þú hefur efni á? Uh...!

Við getum líka mátað þessar spurningar við til dæmis verkefni í vinnunni. Fyrsta spurning gæti þá verið:

Hvers vegna þarftu að klára þetta verkefni fyrir fimmtudag?

Eða mátað þessar spurningar við heilsuna okkar. Til dæmis:

Hvers vegna er syfjar mig svona yfir daginn?

Því oftar en ekki er streita sjálfsköpuð. 

Við setjum okkur tímapressu sem enginn annar hefur beðið okkur um að setja svona stíft. 

Eða setjum okkur markmið sem eru háleit og góð en í raun alls ekki nauðsynleg. 

Svo ekki sé talað um svefninn.

Hvernig er staðan hjá þér?

Góðu ráðin

Tengdar fréttir

Að kúpla sig frá vinnu og streitu um jólin

Þegar líður að jólum finnum við hvernig tilhlökkunin eykst eins og lítið fiðrildi í maganum. Vissulega þarf að gera klára margt fyrir jólin, bæði í vinnu og jólastússi. En síðan taka frídagarnir við og þá er um að gera að njóta.

Vinnan og áhrifin af því að sofa of lítið

Sumir trúa því að þeir þurfi minni svefn en ráðlagt er. Að það að sofa sjö til níu klukkustundir hverja nótt sé hreinlega óþarfi. Sex tímar er alveg nóg segja margir. Sumir jafnvel minna. Síðan tölum við um A og B týpur og alls konar skýringar til að rökstyðja hvers vegna við sofum minna en ráðlagt er.

Það vilja allir vera „Svalir“

Líney Árnadóttir, sérfræðingur hjá VIRK segir stjórnendur þurfa að þekkja einkenni streitu og vita hvernig streita þróast. Eitt verkfærið sem vinnustaðir geta notað er hinn svo kallaði Streitustigi. Á þessum stiga getur fólk mátað sína líðan miðað við eftirfarandi stig: Svalur – Volgur – Logandi – Bráðnaður – Brunninn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið