Klemmdist milli tveggja bifreiða

Hólmfríður Gísladóttir skrifar 6. nóvember 2021 19:17

Maðurinn var fluttur á Landspítala en engar upplýsingar er að hafa um meiðsl hans. Vísir/Vilhelm

Eftir annasama nótt var heldur rólegra á dagvaktinni í dag, segir í tilkynningu frá lögreglu. Dagurinn hófst klukkan 5 í morgun en þá var lögregla köllu til þar sem gestir voru í annarlegu ástandi á gistiheimili í miðborginni.

Voru þeir ekki húsum hæfir og vísað út, að sögn lögreglu.

Rétt fyrir klukkan 14 var tilkynnt um innbrot í geymslur í Árbæ og vitað er hver var að verki.

Þá var tilkynnt um vinnuslys í Hlíðahverfi um klukkan 14.30 en þar hafði starfsmaður klemmst milli tveggja bifreiða. Var hann fluttur á Landspítala til aðhlynningar en ekkert fleira stendur um alvarleika slyssins eða áverka mannsins í tilkynningu lögreglu.

Um klukkan 15 var ökumaður stöðvaður í Vesturbænum grunaður um akstur undir áhrifum vímuefna. Reyndist hann þar að auki hafa verið sviptur ökuréttindunum.

Þá barst lögreglu tilkynning um „akstur og afstungu“ í Seljahverfi. Málið er sagt í rannsókn.

Lögreglumál Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.