Fjölbrautaskóla Vesturlands lokað og staðan sögð alvarleg á Akranesi

Eiður Þór Árnason skrifar 3. nóvember 2021 14:56

Nemendur og kennarar eru beðnir um að halda sig heima fram að helgi hið minnsta. FVA

Stjórnendur Fjölbrautaskóla Vesturlands (FVA) hafa ákveðið að loka skólanum og skipta yfir í fjarkennslu fram að helgi vegna kórónuveirusmita sem hafi mögulega breiðst þar út.

Alvarleg staða er sögð vera komin upp á Akranesi og er búist við því að mikill fjöldi fólks mæti í sýnatöku á Heilbrigðisstofnun Vesturlands í dag.

Þetta kemur fram í tilkynningu á vef skólans. Smitið er ekki talið vera upprunnið í FVA en hafi mögulega breiðst út í skólanum. Nemendur og kennarar voru sendir heim klukkan 11:35 í dag og íbúar á heimavist beðnir um að halda heim eins fljótt og unnt er.

Tæknimessan 2021 sem halda átti í FVA á morgun í samstarfi við Samtök sveitarfélaga á Vesturlandi og iðnfyrirtæki á svæðinu er frestað um óákveðinn tíma. Alls eru 63 einstaklingar í einangrun vegna Covid-19 á Vesturlandi og 100 í sóttkví, samkvæmt upplýsingum á Covid.is.

Akranes Faraldur kórónuveiru (COVID-19) Skóla - og menntamál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.