Íslensk landsliðshetja spilaði með spænska landsliðinu undir dulnefni Óskar Ófeigur Jónsson skrifar 2. nóvember 2021 09:00 Viggó Sigurðsson í viðtalinu við Guðjón Guðmundsson. Viggó sagði þá frá áratuga gömlu leyndarmáli sínu. Skjámynd/S2 Sport Viggó Sigurðsson skráði soninn Jón Gunnlaug í Víking við fæðingu og strákurinn er nú aðalþjálfari liðsins. Gaupi hitti þá feðga í Víkinni á dögunum og úr varð nýjasti þátturinn af .Eina. „Víkingur var á sínum tíma eina stórveldið í íslenskum handbolta ásamt Val. Þeir unnu hreinlega allt. Nú er öldin önnur en við lítum hérna upp í loftið í Víkinni þá má sjá þetta svart á hvítu. Þetta lið tapaði ekki mörgum leikjum,“ sagði Guðjón Guðmundsson í upphafi heimsóknar sinnar í Víkina á dögunum. Feðgarnir Viggó Sigurðsson og Jón Gunnlaugur Viggósson hittu Guðjón Guðmundsson í Víkinni.Skjámynd/S2 Sport „Jón Gunnlaugur Viggósson, þjálfari Víkings, var skráður í félagið þegar hann fæddist. Karl faðir hans, Viggó Sigurðsson, var einn besti handboltamaður sem Víkingur hefur átt. Jón Gunnlaugur er skírður í höfuðið á Jón Gunnlaugi, föðurbróður sínum, sem lést langt um aldur fram. Hann var í fyrsta meistaraliði Víkings árið 1975,“ sagði Guðjón. „Afi hans, Sigurður Jónsson, var einn af þeim sem gerði Víking að stórveldi á sínum tíma,“ sagði Guðjón. Guðjón hitti Jón Gunnlaug Viggósson í Víkinni en Víkingsliðið fékk óvænt sæti í Olís deild karla fyrir þetta tímabil. „Þetta er ekki einfalt verk fyrir þig í dag að fá þetta í fangið og þið eruð eiginlega að byrja á grunninum,“ hóf Guðjón viðtalið. Alveg pressulausir í þessari deild „Við áttum frábært tímabil í fyrra og vinnum sextán af átján leikjum í deildinni. Við erum að ala svolítið á ungum leikmönnum en fengum frábæra viðbót. Við erum alveg pressulausir í þessari deild. Strákarnir þurfa bara svolítið að njóta þess að spila,“ sagði Jón Gunnlaugur. Jón Gunnlaugur Viggósson er þjálfari Víkinga í Olís deild karla í handbolta.Skjámynd/S2 Sport „Ég er á því að ef ýmislegt gengur upp þá getum við alveg komið á óvart,“ sagði Jón. Það hefur samt ekki alveg gengið nógu vel í upphafi leiktíðar en Víkingar eru stigalausir eftir fyrstu sex leiki sína. Liðið var þó nálægt fyrsta sigri sínum í hörkuleik á móti Fram. Guðjón ræddi líka við Viggó Sigurðsson. „Viggó, strákurinn er ekki í sama umhverfi og þú varst í hjá Víkingi,“ sagði Guðjón. Það þarf að rífa upp og fá ísbrjót í þetta „Nei ekki alveg en 1975 var ísbrjótur í félaginu. Þá var búið að vera ströggl í áraraðir að fara upp og niður. Þá kemur Kalli Ben og breytti hugmyndafræðinni. Við vorum að æfa í hádeginu og æfa á kvöldin, stundum tvisvar á dag. Þá breyttist allt og við urðum Íslandsmeistarar 1975. Í kjölfarið fylgdi gífurleg gullöld,“ sagði Viggó. „Það er kannski svipuð staða núna. Það þarf að rífa upp og fá ísbrjót í þetta,“ sagði Viggó. „Þú ert hluti af besta handboltaliði sögunnar. Besta liði sem Ísland hefur átt,“ sagði Guðjón. „Já, já. Maður fattar það eftir á að við vorum bara í hernum. Þetta voru bara heræfingar sem við vorum að gera. Það eru að koma upp þessar stöðvar núna og þegar maður sér hreystistöð þá eru þetta nánast sömu æfingarnar sem við vorum að djöflast í,“ sagði Viggó. „Meistaraliðið frá 1983 var líklega besta liðið,“ sagði Guðjón. Fjórtán manna hópur og allir landsliðsmenn „Við vorum með fjórtán manna hóp og það voru allir landsliðsmenn. Það er alveg einstakt og sýnir bara styrkinn sem var hjá okkur. Það er kannski hægt að benda á það að við æfðum í Réttó, í litlum sal. Eftir að við fáum Víkina þá höfðum við aldrei unnið titil,“ sagði Viggó. Viggó Sigurðsson hefur bæði unnið Íslandsmeistaratititlinn sem leikmaður og þjálfari.Skjámynd/S2 Sport „Við erum að vakna úr djúpri lægð að það tekur tíma að byggja þetta aftur upp. Á tveimur árum erum við búnir að tvöfalda fjöldann í yngri flokkum. Það voru 170 iðkendur fyrir tveimur árum og erum núna að skríða í 340. Svo tökum við Safamýrina alveg yfir á næsta ári. Framtíðin er gríðarlega björt,“ sagði Jón Gunnlaugur. Hver er þessi Perez? Gaupi bendir á það að Viggó sé eina íslenska eintakið sem hafi spilað landsleiki fyrir Spán. „Ég hef spilað með spænska landsliðinu sem Perez. Málið var að franska mótið var í gangi sem við Íslendingar höfum oft tekið þátt í og það stóð þannig á að spænska landsliðið komst ekki. Þeir sendu lið Barcelona í staðinn. Ég var í Barcelona og spilaði fjóra landsleiki undir spænska þjóðsöngnum og í spænskum landsliðsbúningi,“ sagði Viggó. „Það mátti ekki nefna nafnið mitt. Ég skoraði eitthvað af mörkum og það varð að finna eitthvað nafn. Ég held að ég hafi heitið Perez eða eitthvað svoleiðis,“ sagði Viggó. Það má horfa á allt innslagið hans Gaupa hér fyrir neðan. Klippa: Seinni bylgjan: Eina með Víkingsfeðgum Olís-deild karla Seinni bylgjan Víkingur Reykjavík Mest lesið Óbein yfirlýsing frá DeAndre Kane Körfubolti McIlroy sækir um skilnað nokkrum dögum fyrir PGA-meistaramótið Golf Illa orðað samningsákvæði varð KA að falli Íslenski boltinn United íhugar að ráða stjóra Ipswich sem eftirmann Ten Hags Enski boltinn Skaut á Taylor Swift og sagði konum að halda sig í eldhúsinu Sport Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Jói Kalli hættir hjá landsliðinu og fer til Danmerkur Fótbolti Benedikt Guðmundsson hættur með Njarðvík: Ofboðslega þakklátur Körfubolti Ten Hag vísar gagnrýni Rooneys til föðurhúsanna Enski boltinn Segir að Ortega hafi unnið titilinn fyrir City Enski boltinn Fleiri fréttir „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Sjá meira
„Víkingur var á sínum tíma eina stórveldið í íslenskum handbolta ásamt Val. Þeir unnu hreinlega allt. Nú er öldin önnur en við lítum hérna upp í loftið í Víkinni þá má sjá þetta svart á hvítu. Þetta lið tapaði ekki mörgum leikjum,“ sagði Guðjón Guðmundsson í upphafi heimsóknar sinnar í Víkina á dögunum. Feðgarnir Viggó Sigurðsson og Jón Gunnlaugur Viggósson hittu Guðjón Guðmundsson í Víkinni.Skjámynd/S2 Sport „Jón Gunnlaugur Viggósson, þjálfari Víkings, var skráður í félagið þegar hann fæddist. Karl faðir hans, Viggó Sigurðsson, var einn besti handboltamaður sem Víkingur hefur átt. Jón Gunnlaugur er skírður í höfuðið á Jón Gunnlaugi, föðurbróður sínum, sem lést langt um aldur fram. Hann var í fyrsta meistaraliði Víkings árið 1975,“ sagði Guðjón. „Afi hans, Sigurður Jónsson, var einn af þeim sem gerði Víking að stórveldi á sínum tíma,“ sagði Guðjón. Guðjón hitti Jón Gunnlaug Viggósson í Víkinni en Víkingsliðið fékk óvænt sæti í Olís deild karla fyrir þetta tímabil. „Þetta er ekki einfalt verk fyrir þig í dag að fá þetta í fangið og þið eruð eiginlega að byrja á grunninum,“ hóf Guðjón viðtalið. Alveg pressulausir í þessari deild „Við áttum frábært tímabil í fyrra og vinnum sextán af átján leikjum í deildinni. Við erum að ala svolítið á ungum leikmönnum en fengum frábæra viðbót. Við erum alveg pressulausir í þessari deild. Strákarnir þurfa bara svolítið að njóta þess að spila,“ sagði Jón Gunnlaugur. Jón Gunnlaugur Viggósson er þjálfari Víkinga í Olís deild karla í handbolta.Skjámynd/S2 Sport „Ég er á því að ef ýmislegt gengur upp þá getum við alveg komið á óvart,“ sagði Jón. Það hefur samt ekki alveg gengið nógu vel í upphafi leiktíðar en Víkingar eru stigalausir eftir fyrstu sex leiki sína. Liðið var þó nálægt fyrsta sigri sínum í hörkuleik á móti Fram. Guðjón ræddi líka við Viggó Sigurðsson. „Viggó, strákurinn er ekki í sama umhverfi og þú varst í hjá Víkingi,“ sagði Guðjón. Það þarf að rífa upp og fá ísbrjót í þetta „Nei ekki alveg en 1975 var ísbrjótur í félaginu. Þá var búið að vera ströggl í áraraðir að fara upp og niður. Þá kemur Kalli Ben og breytti hugmyndafræðinni. Við vorum að æfa í hádeginu og æfa á kvöldin, stundum tvisvar á dag. Þá breyttist allt og við urðum Íslandsmeistarar 1975. Í kjölfarið fylgdi gífurleg gullöld,“ sagði Viggó. „Það er kannski svipuð staða núna. Það þarf að rífa upp og fá ísbrjót í þetta,“ sagði Viggó. „Þú ert hluti af besta handboltaliði sögunnar. Besta liði sem Ísland hefur átt,“ sagði Guðjón. „Já, já. Maður fattar það eftir á að við vorum bara í hernum. Þetta voru bara heræfingar sem við vorum að gera. Það eru að koma upp þessar stöðvar núna og þegar maður sér hreystistöð þá eru þetta nánast sömu æfingarnar sem við vorum að djöflast í,“ sagði Viggó. „Meistaraliðið frá 1983 var líklega besta liðið,“ sagði Guðjón. Fjórtán manna hópur og allir landsliðsmenn „Við vorum með fjórtán manna hóp og það voru allir landsliðsmenn. Það er alveg einstakt og sýnir bara styrkinn sem var hjá okkur. Það er kannski hægt að benda á það að við æfðum í Réttó, í litlum sal. Eftir að við fáum Víkina þá höfðum við aldrei unnið titil,“ sagði Viggó. Viggó Sigurðsson hefur bæði unnið Íslandsmeistaratititlinn sem leikmaður og þjálfari.Skjámynd/S2 Sport „Við erum að vakna úr djúpri lægð að það tekur tíma að byggja þetta aftur upp. Á tveimur árum erum við búnir að tvöfalda fjöldann í yngri flokkum. Það voru 170 iðkendur fyrir tveimur árum og erum núna að skríða í 340. Svo tökum við Safamýrina alveg yfir á næsta ári. Framtíðin er gríðarlega björt,“ sagði Jón Gunnlaugur. Hver er þessi Perez? Gaupi bendir á það að Viggó sé eina íslenska eintakið sem hafi spilað landsleiki fyrir Spán. „Ég hef spilað með spænska landsliðinu sem Perez. Málið var að franska mótið var í gangi sem við Íslendingar höfum oft tekið þátt í og það stóð þannig á að spænska landsliðið komst ekki. Þeir sendu lið Barcelona í staðinn. Ég var í Barcelona og spilaði fjóra landsleiki undir spænska þjóðsöngnum og í spænskum landsliðsbúningi,“ sagði Viggó. „Það mátti ekki nefna nafnið mitt. Ég skoraði eitthvað af mörkum og það varð að finna eitthvað nafn. Ég held að ég hafi heitið Perez eða eitthvað svoleiðis,“ sagði Viggó. Það má horfa á allt innslagið hans Gaupa hér fyrir neðan. Klippa: Seinni bylgjan: Eina með Víkingsfeðgum
Olís-deild karla Seinni bylgjan Víkingur Reykjavík Mest lesið Óbein yfirlýsing frá DeAndre Kane Körfubolti McIlroy sækir um skilnað nokkrum dögum fyrir PGA-meistaramótið Golf Illa orðað samningsákvæði varð KA að falli Íslenski boltinn United íhugar að ráða stjóra Ipswich sem eftirmann Ten Hags Enski boltinn Skaut á Taylor Swift og sagði konum að halda sig í eldhúsinu Sport Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Jói Kalli hættir hjá landsliðinu og fer til Danmerkur Fótbolti Benedikt Guðmundsson hættur með Njarðvík: Ofboðslega þakklátur Körfubolti Ten Hag vísar gagnrýni Rooneys til föðurhúsanna Enski boltinn Segir að Ortega hafi unnið titilinn fyrir City Enski boltinn Fleiri fréttir „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Sjá meira