Viðskipti innlent

Ís­lendingar eyddu fimm­tán milljörðum í út­löndum í septem­ber

Tryggvi Páll Tryggvason skrifar
Íslendingar eru í auknum mæli farnir að ferðast til útlanda og þessar flugvélar á Keflavíkurflugvelli eru ekki lengur í biðstöðu.
Íslendingar eru í auknum mæli farnir að ferðast til útlanda og þessar flugvélar á Keflavíkurflugvelli eru ekki lengur í biðstöðu. Vísir/Vilhelm

Aukningin í greiðslukortaveltu Íslendinga milli ára í september var alfarið drifin áfram af utanlandsferðum og neyslu erlendis, sem er til marks um að Íslendingar eru í auknum mæli farnir að ferðast til útlanda.

Þetta kemur fram í Hagsjá Landsbankans þar sem fram kemur að samanlagt hafi kortavelta aukist um fimm prósent á milli ára miðað við fast geng og fast verðlag.

Alls nam velta tengd verslun og þjónustu innanlands 67,7 milljörðum króna. og dróst saman um rúm fjögur prósent milli ára á föstu verðlagi. Kortavelta Íslendinga erlendis nam 15,4 milljörðum króna og jókst um 85 prósent á milli ára miðað við fast gengi.

„Á síðustu mánuðum hefur vöxturinn í kortaveltu að mestu leyti verið tilkominn vegna aukningar í kortaveltu erlendis þar sem Íslendingar eru nú farnir að ferðast til útlanda í auknum mæli. Þetta er þó fyrsti mánuðurinn þar sem vöxturinn er alfarið tilkominn vegna aukningar erlendis frá“, segir í Hagsjánni.

Þar kemur einnig fram að innanlands hafi samdráttur ur í neyslu Íslendinga mælst í fyrsta sinn síðan í apríl 2020. Þrátt fyrir það sé neyslan örlítið meiri en hún var á sama tíma árið 2019 og Íslendingar því enn duglegir að neyta vara og þjónustu innanlands þó áherslan færist út fyrir landsteinana.

Neysla Íslendinga erlendis mælist þó enn um 12 prósent lægri en hún var á sama tíma árið 2019.

Hagsjánna má lesa í heild sinni hér.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SJOVA
0,56
15
156.941
BRIM
0
5
23.975
HAGA
0
5
18.300
ISB
0
59
206.743
KVIKA
0
30
412.062

Mesta lækkun dagsins


Félag
Br.%
Fjöldi
Velta*
SYN
-2,31
10
35.270
ICEAIR
-2,12
41
57.416
SIMINN
-1,71
7
31.224
EIM
-1,64
9
49.359
ORIGO
-1,48
5
302
Velkomin á Vísi. Þessi vefur notar vafrakökur. Sjá nánar.