Innlent

Kvöldfréttir Stöðvar 2

Samúel Karl Ólason skrifar
Sindri Sindrason les kvöldfréttir klukkan hálf sjö.
Sindri Sindrason les kvöldfréttir klukkan hálf sjö. Vísir/Vilhelm

Í kvöldfréttum okkar á samtengdum rásum Stöðvar 2 og Bylgjunnar klukkan hálf sjö í kvöld segjum við frá því að lögregla er ósammála héraðsdómara um að hún hafi ekki gætt hlutlægni í rannsókn sinni í Rauðagerðismálinu. Vinnubrögð hennar voru harðlega gagnrýnd í dómsal í gær.

Forsætisráðherra segir stjórnarmyndunarviðræður ganga vel en Alþingi komi ekki saman fyrr en kjörbréfanefnd hafi lokið störfum. Heimir Már fylgdist með málinu í dag og ræddi við formenn stjórnarflokkanna.

Kona á tíræðisaldri slasaðist alvarlega þegar óvenjulegt dyraat var gert heima hjá henni í vikunni. Ungmenni um allan bæ virðast hafa tekið upp á því að gera svokallað Tiktok dyraat við lítinn fögnuð fullorðinna.

Leikmyndahönnuður segir slysaskot Alecs Baldwins þar sem tökumaður lést, víti til varnaðar fyrir kvikmyndaiðnaðinn.

Og við kíkjum út á lífið í miðbæ Reykjavíkur en þetta er fyrsta helgin síðan í sumar sem tvö þúsund manns mega koma saman og opnunartími hefur verið lengdur. Óttar Kolbeinsson Proppé ætlar fylgist með því í beinni útsendingu í fréttatímanum okkar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.