Umfangsmiklar lögregluaðgerðir vegna bogamanns

Viktor Örn Ásgeirsson skrifar 13. október 2021 18:24

Aðgerðir lögreglu í Kongsberg í Noregi standa nú yfir vegna bogamanns sem sást til í miðbæ Kongsberg. Maðurinn á að hafa skotið á eftir fólki með boga.

Samkvæmt frétt VG er um umfangsmiklar aðgerðir lögreglu að ræða. Mikil lögregluumferð er á svæðinu og búið er að loka vesturhluta bæjarins. Íbúar hafa verið beðnir um halda sig heima. Herinn tekur herinn einnig þátt í aðgerðunum.

Elsa Giljan, íslensk kona sem býr í bænum, segir í samtali við fréttastofu að mikil óvissa sé um stöðuna. Elsa frétti fyrst af atburðunum þegar sonur hennar hringdi í hana og lét hana vita að maður væri að skjóta á eftir fólki með boga. Lögregla var þá komin staðinn. Að sögn Elsu var sonur hennar í um það bil hundrað og fimmtíu metra fjarlægð frá staðnum þar sem árásarmaðurinn á að hafa verið.

Elsa Giljan ásamt Jónari, syni hennar.Aðsend

Á að hafa miðað á fólk með boga í verslun

Samkvæmt frétt Laagendalsposten á árásarmaðurinn að hafa miðað á fólk með boga inni í verslun Coop Extra á svæðinu. Vitni hafa sagt frá mögulega öðrum árásarmanni en samkvæmt frétt Laagendalsposten á kona að hafa verið stungin með hníf. Tekið er fram í fréttinni að um óstaðfestar upplýsingar er að ræða.

Lögreglan hefur nú handtekið bogamanninn en aðgerðir standa enn yfir.

Fréttin hefur verið uppfærð.

Noregur Fjöldamorð í Kongsberg

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.