Innlent

36 greindust innan­lands

Atli Ísleifsson skrifar
Frá sýnatökustað Heilsugæslu höfuðborgarsvæðisins við Suðurlandsbraut í Reykjavík.
Frá sýnatökustað Heilsugæslu höfuðborgarsvæðisins við Suðurlandsbraut í Reykjavík. Vísir/Vilhelm

36 greindust með kórónuveiruna innanlands í gær. Tuttugu þeirra sem greindust innanlands í gær voru í sóttkví við greiningu, eða 56 prósent. Sextán voru utan sóttkvíar, eða 44 prósent.

Þetta kemur fram í uppfærðum tölum á vefnum covid.is.

451 eru nú í einangrun vegna Covid-19, en voru 448 í gær. 1.562 eru nú í sóttkví, en voru 1.469 í gær. 387 eru nú í skimunarsóttkví.

Fimm eru nú á sjúkrahúsi vegna Covid-19, sami fjöldi og í gær. Enginn er á gjörgæslu vegna Covid-19.

Átta smit komu upp á landamærunum í gær – sex með virkt smit í fyrri landamæraskimun og og tvö í seinni landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 136,6, en var 136,1 í gær. Nýgengi á smiti á landamærum er nú 7,6, en var 6,8 í gær.

Alls hafa 12.287 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 33 andlát verið rakin til Covid-19 hér á landi frá upphafi faraldursins.

Tekin voru 1.481 einkennasýni í gær, 1.537 sýni á landsmærum og þá greindust 534 í svokallaðri sóttkvíar- og handahófsskimun.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið