Innlent

Virðist sem ró hafi færst yfir skjálfta­svæðið

Gunnar Reynir Valþórsson skrifar
Keilir og svæðið í kring úr lofti.
Keilir og svæðið í kring úr lofti. Vísir/RAX

Svo virðist sem ró hafi færst yfir skjálftasvæðið í grennd við Keili síðustu sólarhringana.

Frá miðmætti hafa tólf skjálftar riðið yfir á svæðinu flestir litli og sá stærsti mældist 1,8 stig rétt fyrir klukkan sex í morgun. 

Síðustu tvo sólarhringana hafa þeir samtals verið 178 miðað við töflu á vef Veðurstofunnar. Síðasti stóri skjálftinn á svæðinu kom síðdegis á þriðjudag og mældist sá 3,5 stig. 

Nýjustu gervihnattagögn sem birt voru í gær sýna engin skýr merki um að kvika brjóti sér leið til yfirborðs í kringum Keili. Ekki er þó talið útilokað að kvika sé á hreyfingu á það miklu dýpi að gervihnettir greini hana ekki.

Eldgos og jarðhræringar Jarðhræringar á Reykjanesi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið