Handbolti

Arnar Birkir með flottan leik í tapi gegn Kiel | Melsun­gen fór á­fram

Runólfur Trausti Þórhallsson skrifar
Arnar Birkir Hálfdánarson átti flottan leik í kvöld.
Arnar Birkir Hálfdánarson átti flottan leik í kvöld. Vísir/Vilhelm

Íslendingalið EHV Aue tapaði fyrir stórliði Kiel í þýska bikarnum í handbolta í kvöld. MT Melsungen vann hins vegar fínan sigur á Bietigheim-Metterzimmern og er komið áfram.

Aue stóð aðeins í Kiel framan af en stórliðið leiddi með fimm mörkum í hálfleik, 17-12, og fór á endanum með öruggan tólf marka sigur af hólmi, lokatölur 38-26.

Arnar Birkir Hálfdánarson skoraði fjögur mörk í liði Aue og lagði upp önnur þrjú til viðbótar. Sveinbjörn Pétursson var einn þriggja markvarða liðsins í leiknum og varði fjögur skot.

Melsungen vann tveggja marka sigur á Bietigheim-Metterzimmern, lokatölur 30-28. Alexander Petersson skoraði fimm mörk í liði Melsungen, þar á eftir kom Elvar Örn Jónsson með fjögur mörk ásamt því að gefa eina stoðsendingar. Arnar Freyr Arnarsson skoraði tvö mörk og gaf eina stoðsendingu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.