Forseti Íslands í smitgát

Fanndís Birna Logadóttir skrifar 4. október 2021 09:38

Guðni Th. Jóhannesson, forseti Íslands er nú í smitgát eftir að hafa umgengist ungmenni sem greindust nýverið með veiruna en greint er frá málinu á Facebook síðu forsetans.

Að því er kemur fram í færslunni heimsótti Guðni nemendur úr Valsárskóla á Svalbarðsströnd á miðvikudaginn. Nemendur úr þeim hópi eru meðal ungmenna sem hafa greinst með Covid-19 að undanförnu og því þarf Guðni að vera í smitgát næstu daga.

„Ég sendi krökkunum nyrðra hlýjar kveðjur, þakka aftur fyrir góðar móttökur og óska þeim, sem hafa smitast af veirunni, góðs bata. Einhverjum fundum og viðburðum þarf ég að fresta en við finnum lausnir á því,“ segir í færslu forsetans.

Forseti Íslands Faraldur kórónuveiru (COVID-19)

Tengdar fréttir

Tuttugu og fimm smit greindust á Akureyri í gær

Alls eru fimmtíu manns í einangrun á Akureyri vegna Covid-19. Tuttugu og fimm bættust í hóp smitaðra í bæjarfélaginu eftir skimun gærdagsins.

2. október 2021 12:09

Ellefu greindust smitaðir á Akureyri í dag

Ellefu bættust í hóp smitaðra á Akureyri eftir skimun dagsins. 65 er í einangrun í bæjarfélaginu.

2. október 2021 17:18

Enginn skóli á morgun: Stofnanir á Húsavík lokaðar vegna smita

Skólahald í Borgarhólsskóla á Húsavík fellur niður á morgun og þriðjudag vegna kórónuveirusmita meðal nemenda og starfsfólks. Þá verður Stjórnsýsluhúsið í bænum einnig lokað á morgun vegna smits.

3. október 2021 23:24

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.