Þróunarsamstarf í Karíbahafi: Íslenskt hugvit við uppbyggingu fiskveiðistjórnunarkerfa Heimsljós 1. október 2021 09:59 FAO Fisheries Technologies hlaut í vikunni styrk úr Samstarfssjóði atvinnulífs um heimsmarkmið Sameinuðu þjóðanna til innleiðslu á upplýsingakerfi fyrir fiskveiðar. „Ef vel tekst til gætu öll sautján ríki ríkjasamsbands Karíbahafs fylgt á eftir og innleitt kerfið hjá sér,“ segir Vilhjálmur Hallgrímsson fyrirtækisins Fisheries Technologies sem hlaut í vikunni styrk úr Samstarfssjóði atvinnulífs um heimsmarkmið Sameinuðu þjóðanna til innleiðslu á upplýsingakerfi fyrir fiskveiðar í tveimur af sautján eyríkjum Karíbahafs, St. Lucia og Dominica. Styrkurinn er til marks um að sífellt fleiri íslensk fyrirtæki nýti samstarfstækifæri í þróunarríkjum og stuðli með starfsemi sinni að hagsæld þar og grípi um leið ný tækifæri til uppbyggingar. Að mati Vilhjálms Hallgrímssonar framkvæmdastjóra Fisheries Technologies eru miklir hagsmunir í húfi, öflugra fiskveiðistjórnunarkerfi geti stutt mjög við uppbyggingu atvinnulífs og verðmætasköpunar á sviði sjálfbærra fiskveiða og um leið unnið gegn fátækt og hungri. Vilhjálmur kveðst þakklátur stuðningi sjóðsins við verkefnið. ,,Grunnfjárfesting hins opinbera í verkefninu gerir fyrirtækinu kleift að fara í samstarf þar sem íslenskt hugvit og sérfræðiþekking á sviði fiskveiðistjórnunar mun nýtast við atvinnuuppbyggingu smárra þróunarríkja í Karíbahafi. Með þessu er um leið stutt við nokkur heimsmarkmiða Sameinuðu þjóðanna, meðal annars um að draga úr fátækt, hungri og ábyrga neyslu og framleiðslu. Þau byggja á tækifærum þessarar ríkja við söfnun og úrvinnslu upplýsinga um fiskveiðar sem auðvelda mun fiskveiðistjórnun og auka virði útflutnings á þessu sviði gegnum upprunavottorð.“ Að sögn Vilhjálms býr mikil þekking í starfsfólki Fisheries Tecehnolgies ehf. sem hefur um árabil starfað að þróun lausna bæði á sviði eftirlits og hafrannsókna á Íslandi. Fyrirtækið hefur meðal annars annast þróun og rekstur núverandi upplýsingakerfa Fiskistofu og Hafrannsóknarstofnunar sem notuð eru við fiskveiðistjórnun á Íslandi í dag. „Árangur í Karíbahafi getur leitt til þess að fleiri þróunarríki þar sem fiskveiðar eru umfangsmiklar geti innleitt kerfið hjá sér. Betri stjórnun auðlindanna er lykilatriði í því að styrkja efnahag og landsframleiðslu eyjanna til lengri tíma.“ Fisheries Technologies hefur sérhæft sig í starfsemi sem tengist útflutningi á íslensku hugviti og þjónustu á sviði fiskimála. Verkefnið kemur í framhaldi af samstarfi fyrirtækisins við svæðisbundin samtök, fyrirtæki og stjórnvöld í Karíbahafi. Samstarfssjóður við atvinnulíf um heimsmarkmiðin tekur þátt í fjármögnun verkefna fyrirtækja á sviði atvinnuþróun og uppbyggingu efnahags- og viðskiptalífs í fátækari löndum heims. Sérstök áhersla er á að verkefni feli í sér stuðning við sjálfbæra þróun, umhverfisvernd eða stuðli að jafnrétti og aukinni atvinnuþátttöku kvenna. Verkefni þarf að framkvæma í samvinnu við samstarfsaðila í þróunarríki. Styrkurinn getur numið allt að 200.000 evrum (um 30 milljónir íslenskra króna) og getur verið allt að 50% af heildarkostnaði verkefnis. Umsóknarfrestur rennur út 15. október næstkomandi. Heimstorg Íslandsstofu annast upplýsingagjöf um samstarfstækifæri í þróunarlöndum en fræðast má nánar um sjóðinn á vef Stjórnarráðsins. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið María Sigrún látin fara úr Kveik Innlent Svona var stemmningin á lokaspretti forsetaefnanna í Hörpu Innlent Ætlar í aðra undirskriftasöfnun Innlent Svona var Pallborðið með Arnari Þór, Ásdísi Rán og Ástþóri Innlent Dregur framboðið til baka Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent „Ísdrottningin myndi bráðna ef hér kæmi kjarnorkusprengja“ Innlent „Þessi ákvörðun var ekki tekin í Valhöll“ Innlent Mikil tíðindi í glænýrri könnun Innlent Viktor stal senunni: Hefði ekki haft tíma til að safna ef hann væri í vinnu Innlent
„Ef vel tekst til gætu öll sautján ríki ríkjasamsbands Karíbahafs fylgt á eftir og innleitt kerfið hjá sér,“ segir Vilhjálmur Hallgrímsson fyrirtækisins Fisheries Technologies sem hlaut í vikunni styrk úr Samstarfssjóði atvinnulífs um heimsmarkmið Sameinuðu þjóðanna til innleiðslu á upplýsingakerfi fyrir fiskveiðar í tveimur af sautján eyríkjum Karíbahafs, St. Lucia og Dominica. Styrkurinn er til marks um að sífellt fleiri íslensk fyrirtæki nýti samstarfstækifæri í þróunarríkjum og stuðli með starfsemi sinni að hagsæld þar og grípi um leið ný tækifæri til uppbyggingar. Að mati Vilhjálms Hallgrímssonar framkvæmdastjóra Fisheries Technologies eru miklir hagsmunir í húfi, öflugra fiskveiðistjórnunarkerfi geti stutt mjög við uppbyggingu atvinnulífs og verðmætasköpunar á sviði sjálfbærra fiskveiða og um leið unnið gegn fátækt og hungri. Vilhjálmur kveðst þakklátur stuðningi sjóðsins við verkefnið. ,,Grunnfjárfesting hins opinbera í verkefninu gerir fyrirtækinu kleift að fara í samstarf þar sem íslenskt hugvit og sérfræðiþekking á sviði fiskveiðistjórnunar mun nýtast við atvinnuuppbyggingu smárra þróunarríkja í Karíbahafi. Með þessu er um leið stutt við nokkur heimsmarkmiða Sameinuðu þjóðanna, meðal annars um að draga úr fátækt, hungri og ábyrga neyslu og framleiðslu. Þau byggja á tækifærum þessarar ríkja við söfnun og úrvinnslu upplýsinga um fiskveiðar sem auðvelda mun fiskveiðistjórnun og auka virði útflutnings á þessu sviði gegnum upprunavottorð.“ Að sögn Vilhjálms býr mikil þekking í starfsfólki Fisheries Tecehnolgies ehf. sem hefur um árabil starfað að þróun lausna bæði á sviði eftirlits og hafrannsókna á Íslandi. Fyrirtækið hefur meðal annars annast þróun og rekstur núverandi upplýsingakerfa Fiskistofu og Hafrannsóknarstofnunar sem notuð eru við fiskveiðistjórnun á Íslandi í dag. „Árangur í Karíbahafi getur leitt til þess að fleiri þróunarríki þar sem fiskveiðar eru umfangsmiklar geti innleitt kerfið hjá sér. Betri stjórnun auðlindanna er lykilatriði í því að styrkja efnahag og landsframleiðslu eyjanna til lengri tíma.“ Fisheries Technologies hefur sérhæft sig í starfsemi sem tengist útflutningi á íslensku hugviti og þjónustu á sviði fiskimála. Verkefnið kemur í framhaldi af samstarfi fyrirtækisins við svæðisbundin samtök, fyrirtæki og stjórnvöld í Karíbahafi. Samstarfssjóður við atvinnulíf um heimsmarkmiðin tekur þátt í fjármögnun verkefna fyrirtækja á sviði atvinnuþróun og uppbyggingu efnahags- og viðskiptalífs í fátækari löndum heims. Sérstök áhersla er á að verkefni feli í sér stuðning við sjálfbæra þróun, umhverfisvernd eða stuðli að jafnrétti og aukinni atvinnuþátttöku kvenna. Verkefni þarf að framkvæma í samvinnu við samstarfsaðila í þróunarríki. Styrkurinn getur numið allt að 200.000 evrum (um 30 milljónir íslenskra króna) og getur verið allt að 50% af heildarkostnaði verkefnis. Umsóknarfrestur rennur út 15. október næstkomandi. Heimstorg Íslandsstofu annast upplýsingagjöf um samstarfstækifæri í þróunarlöndum en fræðast má nánar um sjóðinn á vef Stjórnarráðsins. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið María Sigrún látin fara úr Kveik Innlent Svona var stemmningin á lokaspretti forsetaefnanna í Hörpu Innlent Ætlar í aðra undirskriftasöfnun Innlent Svona var Pallborðið með Arnari Þór, Ásdísi Rán og Ástþóri Innlent Dregur framboðið til baka Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent „Ísdrottningin myndi bráðna ef hér kæmi kjarnorkusprengja“ Innlent „Þessi ákvörðun var ekki tekin í Valhöll“ Innlent Mikil tíðindi í glænýrri könnun Innlent Viktor stal senunni: Hefði ekki haft tíma til að safna ef hann væri í vinnu Innlent