Sósíalistaflokkurinn þorir og getur Haraldur Ingi Haraldsson skrifar 13. september 2021 13:31 Frá því að við Íslendingar urðum sjálfstæð þjóð hefur baráttan um yfirráð yfir hinum gjöfulu fiskimiðum við landi verið í okkar höndum . Við höfum háð 3 þorskastríð við stórveldi- við ofurefli – en sameinuð höfum við þjóðin sigrað – við unnum í raun og sanneika stórkostlegan sigur . Þetta var stórfengleg aðstaða að vera í en íslensk stjórnvöld köstuðu henni á glæ. Þrátt fyrir skýr lagaákvæði um annað smíðuðu þau kerfi sem fámenn auðstétt hefur getað nýtt sér til að sópa að sér ævintýralegum auðæfum sem eiga enga sína líka í gervallri Íslandssögunni. Fyrir okkur í Norðausturkjördæmi er er lykilatriði að hrinda þessari þróun. Nýtt kerfi er einn af hornsteinunum sem gerir okkur kleift að hefja tímabil uppbyggingar þar sem við byggjum upp innviði, húsnæði og samgöngur með félagslegum lausnum í kjördæminu Auður sægreifanna – efnahagsleg og pólitísk áhrif þeirra eru komin langt út yfir þau mörk sem lítið samfélag eins og okkar þolir. Það rífur niður lýðræðið skapar djúpstæða spillingu í stjórnmálakerfinu og teygir anga sína út um allt samfélag og einnig til annarra landa eins og við höfum furðu lostin fylgst með mútumálsrannsóksókn á hendur Samherja í Namibíu og viðbrögðum fyrirtækisins sem reiðir hnefann og skekur hann að okkur og starfrækti svokallaða skæruliðadeild til að spilla rannsókn á málum hér heima og erlendis. Þrjú þorskastríð á lýðveldistíma, sigur eftir sigur eftir sigur. En svo töpum við fyrir íslenskum stjórnvöldum sem færðu fámennum sérhagsmunaöflum það sem með réttu er okkar. Baráttan gegn því og endurheimt yfirráða allra landsmanna yfir fiskveiðiauðlindinni er það sem við köllum 4 þorskastríði. Sameinumst um þá baráttu og sækjum innblástur í fyrir sigra. Hin eyðandi öfl Flest okkar kannast við söguna af Fenrisúlfi. Þessi saga er dæmisaga. Hún er saga af samfélagi þar sem þeir sem búa í samfélaginu fóstra upp úfl og hafa gaman af látunum í honum í fyrstu. Úlfurinn gengur hins vegar á lagið og eftir því sem hann vex og fullorðnast verður hann sífellt meira til vandræða. Svo langt gengur það að hann er farinn að rífa, slíta og eyðileggja það sem byggt var upp. Þetta er óþolandi ástand og það þarf að bregðast við. Það þarf á sameiginlegu átaki allra að halda. Og þið vitið hvernig sagan endar eftir mikla fyrirhöfn, hugvit, kænsku og fórnir tekst að fjötra úlfinn og hættan er liðin hjá. Við erum í þessum sporum í dag. Við þurfum að bregðast eins við og í dæmisögunni um úlfinn Fenri. Verkfærin eru lýðræðisleg – að breyta lögum og byggja upp nýtt og sanngjarnt kerfi allri þjóðinni til hagsbóta. Það mun verka sem vítamínsprauta fyrir kjördæmið okkar valdefla byggðirnar og gera stóru byggðarkjarnana enn sterkari Misskipting auðs, óréttlætið og spillingin sem henni er samfara er fylgifiskur kvótakerfisins. Sægreifarnir --og þau stjórnmálaöfl sem ætla sér að slá skjaldborg um þá virðast ógnar sterk. Þau ætla sér að mynda næstu ríkistjórn til þess að geta varið þessa sérhagmuni og annarra. Við þurfum ekki að hræðast það við sjáum það af sögunni að við höfum sigrað ofureflið áður og við getum gert það aftur. Lykillinn af því er að standa saman og sækja aflið til þjóðarinnar. Til ykkar. Köstum af okkur klafanum – sigrum og færum kvótann heim – bindum hann við byggðirnar Sósíalistaflokkurinn vill verða verkfæri ykkar í þeirri baráttu Fyrsta grein laga um fiskveiðikerfið "2006 nr. 116 10. ágúst gr.Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum." Þetta eru lög í landinu og með lögum skal land byggja og ólögum eyða. Og núna 25 september snúum við vörn í sókn – 60 til 70 % landsmanna er á móti kvótakerfinu og aðeins lítill minnihluti meðmæltur. Færum þann almannavilja inn á Alþingi. 4 þorskastríðið er hafið. Sósíalistaflokkurinn þorir Sósíalistaflokkurinn getur Þú kjósandi góður hefur aflið til að gefa okkur – Þetta eru mikilvægustu kosningar í langan tíma – annarsvegar er hörð hægristefna með einkavæðingu og auðmannadekri og hinsvegar er kærleikur félagshyggjunnar og loksins raunveruleg andstaða við sérhagsmunastefnu stjórnvalda. Kjörklefinn stendur þér opinn til að til þess að velja á milli. Með því að setja x við j á kjördag hefjum við löngu tímabæra baráttu og hefjum nýtt tímabil andstöðu við auðvaldið og uppbyggingu félagslegra gilda " Skilum Rauðu – X-J 25. september Höfundur er oddviti Sósíalista í Norðausturkjördæmi. Viltu birta grein á Vísi? Sendu okkur póst. Senda grein Skoðun: Kosningar 2021 Alþingiskosningar 2021 Sósíalistaflokkurinn Haraldur Ingi Haraldsson Mest lesið Kæru valkyrjur, hatrið sigraði líklega í þetta skiptið Arnar Laxdal Skoðun Hverjir eiga Ísland? Jón Baldvin Hannibalsson Skoðun Stjórnmál sem virka og lýðræði sem kemst ekki fyrir í umslagi Þórður Snær Júlíusson Skoðun Ríkisstjórnin stóð af sér áhlaup sérhagsmuna Ásthildur Lóa Þórsdóttir Skoðun Vönduð vinnubrögð - alltaf! Jóna Bjarnadóttir Skoðun Fröken þjóðarmorð: Þér er ekki boðið! Linda Ósk Árnadóttir,Yousef Ingi Tamimi Skoðun Áform um að eyðileggja Ísland! Jóna Imsland Skoðun Orðhengilsháttur og lygar Elín Erna Steinarsdóttir Skoðun „Að skrifa söguna“ Var of mikið undir hjá kvennalandsliðinu? Viðar Halldórsson Skoðun Hvert er markmið fulltrúalýðræðis? Hlynur Orri Stefánsson,Vilhjálmur Árnason Skoðun Skoðun Skoðun Kæru valkyrjur, hatrið sigraði líklega í þetta skiptið Arnar Laxdal skrifar Skoðun Vönduð vinnubrögð - alltaf! Jóna Bjarnadóttir skrifar Skoðun Ríkisstjórnin stóð af sér áhlaup sérhagsmuna Ásthildur Lóa Þórsdóttir skrifar Skoðun Stjórnmál sem virka og lýðræði sem kemst ekki fyrir í umslagi Þórður Snær Júlíusson skrifar Skoðun Þversögn Íslands í Palestínumálinu: Um fullveldi, samsekt og réttarríkið Gína Júlía Waltersdóttir skrifar Skoðun Tvöföld bið eftir geislameðferð er of löng Katrín Sigurðardóttir skrifar Skoðun Fröken þjóðarmorð: Þér er ekki boðið! Linda Ósk Árnadóttir,Yousef Ingi Tamimi skrifar Skoðun Linsa Lífsins Matthildur Björnsdóttir skrifar Skoðun „Að skrifa söguna“ Var of mikið undir hjá kvennalandsliðinu? Viðar Halldórsson skrifar Skoðun Gervigreind í skólum: Tækifæri til byltingar eða hætta á nýjum ójöfnuði? Sigvaldi Einarsson skrifar Skoðun Netöryggi til framtíðar Unnur Kristín Sveinbjarnardóttir skrifar Skoðun Aftur á byrjunarreit Hörður Arnarson skrifar Skoðun Norðurlandamet í fúski! Kristinn Karl Brynjarsson skrifar Skoðun Flugnám -Þriðji hluti: Samtvinnað (Integrated) eða áfangaskipt (Modular) ATPL flugnám Matthías Arngrímsson skrifar Skoðun Ursula Von der Leyen styður stríðsglæpamenn - Ísland á ekki að þegja Helen Ólafsdóttir skrifar Skoðun Ursula von der Leyen styður þjóðarmorð! Hjálmtýr Heiðdal skrifar Skoðun Hvert er markmið fulltrúalýðræðis? Hlynur Orri Stefánsson,Vilhjálmur Árnason skrifar Skoðun Ég vona að þú gleymir mér ekki Hlynur Már Vilhjálmsson skrifar Skoðun Hvaða einkunn fékkst þú á bílprófinu? Grétar Birgisson skrifar Skoðun Að koma út í lífið með verri forgjöf, hvernig tilfinning er það? Davíð Bergmann skrifar Skoðun Tjaldið fellt í leikhúsi fáránleikans Vésteinn Ólason skrifar Skoðun Heilbrigðisreglugerð WHO: Hagsmunir eða heimska? Júlíus Valsson skrifar Skoðun Málþófs klúður Sægreifa-flokkanna Jón Þór Ólafsson skrifar Skoðun Græna vöruhúsið setur svartan blett á íslenskt samfélag Davíð Aron Routley skrifar Skoðun Dæmt um efni, Hörður Árni Finnsson,Elvar Örn Friðriksson,Snæbjörn Guðmundsson skrifar Skoðun Flugnám - Annar hluti: Afskiptaleysi stjórnvalda Matthías Arngrímsson skrifar Skoðun Sóvésk sápuópera Franklín Ernir Kristjánsson skrifar Skoðun Á hvaða vegferð er ríkisstjórn Kristrúnar Frostadóttur gagnvart sjávarútvegssveitarfélögunum? Anton Guðmundsson skrifar Skoðun Dæmir sig sjálft Jón Pétur Zimsen skrifar Skoðun Mega blaðamenn ljúga? Páll Steingrímsson skrifar Sjá meira
Frá því að við Íslendingar urðum sjálfstæð þjóð hefur baráttan um yfirráð yfir hinum gjöfulu fiskimiðum við landi verið í okkar höndum . Við höfum háð 3 þorskastríð við stórveldi- við ofurefli – en sameinuð höfum við þjóðin sigrað – við unnum í raun og sanneika stórkostlegan sigur . Þetta var stórfengleg aðstaða að vera í en íslensk stjórnvöld köstuðu henni á glæ. Þrátt fyrir skýr lagaákvæði um annað smíðuðu þau kerfi sem fámenn auðstétt hefur getað nýtt sér til að sópa að sér ævintýralegum auðæfum sem eiga enga sína líka í gervallri Íslandssögunni. Fyrir okkur í Norðausturkjördæmi er er lykilatriði að hrinda þessari þróun. Nýtt kerfi er einn af hornsteinunum sem gerir okkur kleift að hefja tímabil uppbyggingar þar sem við byggjum upp innviði, húsnæði og samgöngur með félagslegum lausnum í kjördæminu Auður sægreifanna – efnahagsleg og pólitísk áhrif þeirra eru komin langt út yfir þau mörk sem lítið samfélag eins og okkar þolir. Það rífur niður lýðræðið skapar djúpstæða spillingu í stjórnmálakerfinu og teygir anga sína út um allt samfélag og einnig til annarra landa eins og við höfum furðu lostin fylgst með mútumálsrannsóksókn á hendur Samherja í Namibíu og viðbrögðum fyrirtækisins sem reiðir hnefann og skekur hann að okkur og starfrækti svokallaða skæruliðadeild til að spilla rannsókn á málum hér heima og erlendis. Þrjú þorskastríð á lýðveldistíma, sigur eftir sigur eftir sigur. En svo töpum við fyrir íslenskum stjórnvöldum sem færðu fámennum sérhagsmunaöflum það sem með réttu er okkar. Baráttan gegn því og endurheimt yfirráða allra landsmanna yfir fiskveiðiauðlindinni er það sem við köllum 4 þorskastríði. Sameinumst um þá baráttu og sækjum innblástur í fyrir sigra. Hin eyðandi öfl Flest okkar kannast við söguna af Fenrisúlfi. Þessi saga er dæmisaga. Hún er saga af samfélagi þar sem þeir sem búa í samfélaginu fóstra upp úfl og hafa gaman af látunum í honum í fyrstu. Úlfurinn gengur hins vegar á lagið og eftir því sem hann vex og fullorðnast verður hann sífellt meira til vandræða. Svo langt gengur það að hann er farinn að rífa, slíta og eyðileggja það sem byggt var upp. Þetta er óþolandi ástand og það þarf að bregðast við. Það þarf á sameiginlegu átaki allra að halda. Og þið vitið hvernig sagan endar eftir mikla fyrirhöfn, hugvit, kænsku og fórnir tekst að fjötra úlfinn og hættan er liðin hjá. Við erum í þessum sporum í dag. Við þurfum að bregðast eins við og í dæmisögunni um úlfinn Fenri. Verkfærin eru lýðræðisleg – að breyta lögum og byggja upp nýtt og sanngjarnt kerfi allri þjóðinni til hagsbóta. Það mun verka sem vítamínsprauta fyrir kjördæmið okkar valdefla byggðirnar og gera stóru byggðarkjarnana enn sterkari Misskipting auðs, óréttlætið og spillingin sem henni er samfara er fylgifiskur kvótakerfisins. Sægreifarnir --og þau stjórnmálaöfl sem ætla sér að slá skjaldborg um þá virðast ógnar sterk. Þau ætla sér að mynda næstu ríkistjórn til þess að geta varið þessa sérhagmuni og annarra. Við þurfum ekki að hræðast það við sjáum það af sögunni að við höfum sigrað ofureflið áður og við getum gert það aftur. Lykillinn af því er að standa saman og sækja aflið til þjóðarinnar. Til ykkar. Köstum af okkur klafanum – sigrum og færum kvótann heim – bindum hann við byggðirnar Sósíalistaflokkurinn vill verða verkfæri ykkar í þeirri baráttu Fyrsta grein laga um fiskveiðikerfið "2006 nr. 116 10. ágúst gr.Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum." Þetta eru lög í landinu og með lögum skal land byggja og ólögum eyða. Og núna 25 september snúum við vörn í sókn – 60 til 70 % landsmanna er á móti kvótakerfinu og aðeins lítill minnihluti meðmæltur. Færum þann almannavilja inn á Alþingi. 4 þorskastríðið er hafið. Sósíalistaflokkurinn þorir Sósíalistaflokkurinn getur Þú kjósandi góður hefur aflið til að gefa okkur – Þetta eru mikilvægustu kosningar í langan tíma – annarsvegar er hörð hægristefna með einkavæðingu og auðmannadekri og hinsvegar er kærleikur félagshyggjunnar og loksins raunveruleg andstaða við sérhagsmunastefnu stjórnvalda. Kjörklefinn stendur þér opinn til að til þess að velja á milli. Með því að setja x við j á kjördag hefjum við löngu tímabæra baráttu og hefjum nýtt tímabil andstöðu við auðvaldið og uppbyggingu félagslegra gilda " Skilum Rauðu – X-J 25. september Höfundur er oddviti Sósíalista í Norðausturkjördæmi.
Skoðun Stjórnmál sem virka og lýðræði sem kemst ekki fyrir í umslagi Þórður Snær Júlíusson skrifar
Skoðun Þversögn Íslands í Palestínumálinu: Um fullveldi, samsekt og réttarríkið Gína Júlía Waltersdóttir skrifar
Skoðun Gervigreind í skólum: Tækifæri til byltingar eða hætta á nýjum ójöfnuði? Sigvaldi Einarsson skrifar
Skoðun Flugnám -Þriðji hluti: Samtvinnað (Integrated) eða áfangaskipt (Modular) ATPL flugnám Matthías Arngrímsson skrifar
Skoðun Ursula Von der Leyen styður stríðsglæpamenn - Ísland á ekki að þegja Helen Ólafsdóttir skrifar
Skoðun Á hvaða vegferð er ríkisstjórn Kristrúnar Frostadóttur gagnvart sjávarútvegssveitarfélögunum? Anton Guðmundsson skrifar