Innlent

Grunur um ölvun þegar bíll rann út í Nauthólsvík

Kjartan Kjartansson skrifar
Frá vettvangi í Nauthólsvík fyrr í kvöld.
Frá vettvangi í Nauthólsvík fyrr í kvöld. Aðsend

Ökumaður bifreiðar sem rann út í sjó við Nauthólsvík er grunaður um ölvun við akstur. Töluverður viðbúnaður viðbragðsaðila var í Nauthólsvík en ökumanninum tókst sjálfum að komast á land.

Bifreiðin fór á bólakaf og var sérsveit ríkislögreglustjóra kölluð út en í henni eru þjálfaðir kafarar. Einn var í bílnum en honum tókst að koma sér sjálfur út úr honum og upp á þurrt land. Vísir sagði frá því fyrr í kvöld að talið væri að bifreiðin hefði runnið af rampi sem er siglinga- og sjósundsfólk notar meðal annars.

Í tilkynningu frá lögreglunni á höfuðborgarsvæðinu í kvöld kemur fram að grunur sé um að ökumaðurinn hafi verið ölvaður.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið