Lífið

Afmælispartý á Bylgjunni allan laugardaginn í beinni útsendingu og einnig á Vísi

Sylvía Rut Sigfúsdóttir skrifar
Bylgjan heldur upp á 35 ára afmæli með flottri dagskrá.
Bylgjan heldur upp á 35 ára afmæli með flottri dagskrá. Bylgjan

Laugardaginn 28. ágúst 1986 fór útvarpsstöðin Bylgjan fyrst í loftið. Í tilefni af afmælinu verður haldið einstakt afmælispartý allan daginn á morgun í beinni útsendingu á Bylgjunni og í mynd hér á Vísi og á Stöð 2 Vísi.

Partýið hefst í Bakaríinu klukkan níu og stendur til klukkan fjögur en þá hefst hamingjustund þjóðarinnar, Veistu hver ég var í sérstakri afmælisútgáfu.

Það verður gestkvæmt á Bylgjunni allan afmælisdaginn. Bríet, Jón Jónsson, Friðrik Dór og Ellen Kristjánsdótti, Sigga og Grétar úr Stjórninni og Eyfi Kristjáns og Páll Óskar mæta öll í hús og taka nokkur lög sem smellpassa í gott afmælispartý. Sérlegur undirleikari allan daginn er hinn ungi og geðþekki Magnús Jóhann.

Á meðal annara gesta eru Sóli Hólm, Edda Björgvins, Hvítvínskonan, Tveir með Öllu og Bergur Ebbi. Öll eiga þau sínar minningar um Bylgjuna og Bergur Ebbi mun rýna sérstaklega í sögu Bylgjunnar með heimspekilegum vangaveltum eins og honum einum er lagið.

Bylgjan á sér áhugaverða sögu.Bylgjan

Eva Laufey, Svavar Örn, Ívar Guðmunds, Pétur Valmundar, Jói Dans, Bragi Guðmunds, Sigga Lund, Kristófer Helgason, Vala Eiríks og Heimir Karls skipta með sér veislustjórninni í skemmtilegasta afmælispartýi ársins í beinni á Bylgjunni og í mynd Vísi og Stöð 2 Vísi.

„Bylgjan hefur alla tíð lagt sig fram við að eiga í góðu sambandi við þjóðina, hlustendur sína, skemmtikraft og tónlistarfólk og þakkar þessa frábæru samfylgd í 35 ár. Bylgjan hefur verið björt og skælbrosandi frá 28. ágúst 1986,“ segir um viðburðinn. 

Jóhann Örn Ólafsson er skipuleggjandi dagsins. Hann mætti í viðtal í Bítinu í morgun og fór yfir afmælisdagskránna.

Klippa: 35 ára afmæli Bylgjunnar fagnað með stæl á morgun



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.