Dagskráin í dag: Golf, enska 1. deildin og amerískur fótbolti

Dagurinn byrjar klukkan 10:00 á Stöð 2 Golf þar sem að sýnt verður frá AIG Women's Open 2021. Klukkustund síðar hefst svo útsending frá D+D Real Czech Masters á Stöð 2 Sport 4, en það er hluti af Evrópumótaröðinni.

Seinasta golfmót dagsins sem sýnt er frá er The Northern Trust, en útsending hefst klukkan 18:00 á Stöð 2 Golf.

Klukkan 18:40 er viðureign Bristol City og Swansea á dagskrá í ensku 1. deildinni. Swansea hefur ekki enn unnið leik í deildinni að þrem umferðum loknum, en leikurinn er í beinni á Stöð 2 sport 2.

Ameríski fótboltinn lokar svo deginum, en sýnt verður beint frá leik Arizona Cardinals og Kansas City Chiefs á Stöð 2 Sport 2 og hefst útsending á miðnætti.