Innlent

Áskilja sér rétt til að endurskoða áform sín eða krefjast bóta

Hólmfríður Gísladóttir skrifar
Frá undirritun samnings um uppbyggingu á Orkureitnum.
Frá undirritun samnings um uppbyggingu á Orkureitnum.

Forsvarsmenn fasteignafélagsins Reita áskilja sér rétt til að endurskoða uppbyggingaráform á svokölluðum Orkureit ef Reykjavíkurborg heldur fast í þau áform að reisa fimm smáhýsi fyrir skjólstæðinga velferðarsviðs í Laugardalnum.

Frá þessu er greint í Fréttablaðinu í dag.

Reitir hyggjast byggja 440 íbúðir á Orkureitnum en segja áformað deiliskipulag munu hafa neikvæð áhrif.

„Ef úrræðið er ætlað heimilislausum með geðraskanir, áfengis- eða fíknivanda eða vandmál af öðrum toga sem geta haft neikvæð áhrif á umhverfið, meðal annars með tilliti til nálægðar við leik- og grunnskóla, íþróttamannvirki og almenn útisvæði þar sem mikil umferð barna er, er ljóst að það hentar illa á þessari staðsetningu,“ segir Friðjón Sigurðsson, framkvæmdastjóri þróunarsviðs Reita, í erindi til borgarinnar.

Þá segir hann fyrirtækið áskilja sér rétt til að endurskoða áform sín eða krefjast bóta eða afsláttar.

Reykjavík Fasteignamarkaður Félagsmál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið