Innlent

Lög­regla steig inn í rifrildi ferða­manna og starfs­manna flug­vallarins

Vésteinn Örn Pétursson skrifar
Farþegarnir máttu ekki fara um borð í vélina, þar sem þeir gátu ekki framvísað neikvæðu PCR-prófi.
Farþegarnir máttu ekki fara um borð í vélina, þar sem þeir gátu ekki framvísað neikvæðu PCR-prófi. Vísir/Vilhelm

Lögregla og öryggisverðir þurftu að skerast í leikinn þegar til rifrildis kom milli tveggja tilvonandi flugfarþega annars vegar og þjónustuaðila á vegum Play á Keflavíkurflugvelli hins vegar.

Þetta staðfestir Nadine Guðrún Yaghi, samskiptastjóri flugfélagsins, í samtali við fréttastofu. Hún segir hóp farþega hafa verið á leið í flug Play til Stansted í London á fjórða tímanum. Þeir gátu hins vegar ekki framvísað neikvæðu PCR-prófi, og því óheimilt samkvæmt breskum reglum að koma til Bretlands.

Þegar hópnum var tjáð þetta kom til rifrildis milli tveggja úr hópnum við þjónustuaðila Play á flugvellinum, og skárust þá lögregla og öryggisgæsla á vellinum í leikinn. Nadine segir að málið hafi þó verið farsællega leyst án nokkurra átaka.

Flugvélin hafi farið í loftið og farþegahópurinn orðið eftir á Íslandi, enda flugfélaginu óheimilt að fljúga honum til Bretlands. Ekki liggur fyrir hverrar þjóðar farþegarnir voru.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.