Handbolti

Fá litáískan landsliðsmann í stað Einars Rafns

Ingvi Þór Sæmundsson skrifar
FH-ingar eru byrjaðir að styrkja sig fyrir næsta tímabil.
FH-ingar eru byrjaðir að styrkja sig fyrir næsta tímabil. vísir/hulda margrét

FH hefur samið við litáíska landsliðsmanninn Gytis Smantauskas um að leika með liðinu í Olís-deild karla í handbolta á næsta tímabili.

Smantauskas er örvhent skytta og mun fylla skarð Einars Rafns Eiðssonar sem er genginn í raðir KA.

„Þetta er stór og sterkur strákur með töluverða alþjóðlega reynslu. Okkur líst mjög vel á hann. Fyrstu kynni lofa góðu og við erum spenntir að sjá hann í FH treyjunni,“ segir Ásgeir Jónsson, formaður handknattleiksdeildar FH, í tilkynningu frá félaginu.

Smantauskas, sem er 24 ára, hefur leikið með Dragunas í heimalandinu undanfarin þrjú ár.

FH endaði í 2. sæti Olís-deildarinnar á síðasta tímabili og féll úr leik fyrir ÍBV í átta liða úrslitum úrslitakeppninnar.

Auk Einars Rafns hefur hornamaðurinn Arnar Freyr Ársælsson samið við KA. Þá hefur markvörðurinn Birkir Fannar Bragason lagt skóna á hilluna.


Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.




Fleiri fréttir

Sjá meira


×