Brunavarnir Austur-Húnvetninga eiga hrós skilið fyrir vinnu sína í kvöld.Brunavarnir Austur-Húnvetninga
Búið er að opna veginn um Vatnsskarð að fullu eftir að honum var lokað vegna slyss fyrr í kvöld þegar bifreið stóð alelda á veginum.
Ingvar Sigurðsson, slökkviliðsstjóri Brunavarna Austur-Húnvetninga, staðfestir að búið sé að opna veginn að fullu en hann var fyrst opnaður til hálfs um 20:30 í kvöld.
Hann biðlar til fólks að aka varlega um veginn þar sem slitlagið á veginum er heldur slakt. Til dæmis um það nefnir hann að nokkrar vörubifreiðar hafi þurft frá að hverfa vegna ástandsins á veginum.
Þá hafi slökkvilið beitt uppsópsefni og sagi til að þrífa upp eftir bílbrunan áðan og það bæti ekki aðstæður á veginum.
Eldur logaði í bíl í Vatnsskarði á áttunda tímanum í kvöld. Þetta má sjá í myndbandi sem fulltrúi fréttastofu náði á svæðinu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
